Ба тарбиятгирандагони Маркази дастгирии оила ва кӯдакони №2 туҳфаҳои солинавӣ тақдим гардид
ДУШАНБЕ, 27.12.2021. /АМИТ «Ховар»/. Ваколатдор оид ба ҳуқуқи инсон дар Ҷумҳурии Тоҷикистон Умед Бобозода бо мақсади аёдати кӯдакони ятиму бепарастор ва табрики онҳо бо фарорасии Соли нави 2022 аз Муассисаи давлатии «Маркази дастгирии оила ва кӯдакон»-и № 2 шаҳри Душанбе боздид намуд, хабар доданд ба мухбири АМИТ “Ховар” аз хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон.
Зимни боздид Умед Бобозода бо роҳбарият ва ҳайати кормандони муассиса суҳбат намуда, сипас бо кӯдакон вохӯрд.
Ваколатдор тарбиятгирандагони муассисаро бо фарорасии Соли нави 2022 табрик намуда, ба онҳо дар бораи ғамхориҳои пайвастаи Пешвои миллат муҳтарам Эмомалӣ Раҳмон нисбат ба кӯдакону ҷавонон сухан гуфт. Аз ҷумла, зикр гардид, ки тамоми кӯшишу ғайрат бояд ба он равона карда шавад, ки кӯдакон аз муассисаи мазкур бо тафаккури солим, донишу малака ва касбу ҳунар ба ҷомеа ворид гарданд, чунки кӯдакон ояндаи давлату миллати мо мебошанд.
Умед Бобозода тарбиятгирандагон ва кормандони муассисаро бо соли нав табрик намуда, ба онҳо туҳфаҳои солинавӣ ва маводи якдафъаинаи хӯрокворӣ расонид.
Бояд гуфт, ки дастгириҳои пайваста ва таваҷҷуҳу ғамхориҳои рӯзафзун нисбат ба ятимону маъюбон, бепарасторон, дардмандону оилаҳои эҳтиёҷманд дар меҳвари сиёсати иҷтимоии давлату Ҳукумати Ҷумҳурии Тоҷикистон қарор дошта, аз амалҳои хайрхоҳона ва инсондӯстонаи Пешвои миллат муҳтарам Эмомалӣ Раҳмон ба ҳисоб меравад.
АКС: Аз хадамоти матбуоти ВҲИ
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
