Дар Агентии содирот оид ба гузаронидани Озмуни ҷумҳуриявии «Беҳтарин содироткунандаи Тоҷикистон» ҷаласа доир шуд
ДУШАНБЕ, 15.12.2021 /АМИТ «Ховар»/. 14 декабр дар Агентии содироти назди Ҳукумати Ҷумҳурии Тоҷикистон ҷиҳати гузаронидани Озмуни ҷумҳуриявии «Беҳтарин содироткунандаи Тоҷикистон» бо иштироки намояндагони вазорату идораҳои дахлдор ҷаласаи якуми гурӯҳи корӣ баргузор шуд, хабар доданд ба АМИТ «Ховар» аз Агентии содирот.
Дар ҷаласа директори Агентии содирот Шавкат Бобозода гуфт, ки дар доираи иҷрои нақшаи чорабиниҳои Барномаи давлатии рушди содироти Ҷумҳурии Тоҷикистон барои солҳои 2021-2025 Агентии содирот ҷиҳати баргузор намудани Озмуни ҷумҳуриявии «Беҳтарин содироткунандаи Тоҷикистон» вазифадор гардидааст. Бо ин мақсад дар назди Агентӣ аз ҳисоби намояндагони вазорату идораҳои дахлдор, бахши хусусӣ ва шарикони рушд Комиссияи Озмуни ҷумҳуриявии «Беҳтарин содироткунандаи Тоҷикистон» таъсис дода шудааст.
Озмуни мазкур барои татбиқи нишондиҳандаҳои барномаи мазкур ҷиҳати ҳавасманд гардонидани содироткунандагони ватанӣ, афзоиши ҳаҷм ва сифати маҳсулоти содиротӣ, хусусан бо арзиши баланди иловагӣ ва молҳои ғайриашё тавассути пешбурди фаъолияти содиротӣ ва содироткунандагон гузаронида мешавад.
Дар кори ҷаласа ҷиҳати ташкил ва муаррифии озмун, дарёфти сарпарасти кулл, сарпарастон, шарикон ва дастгирии иттилоотии он рӯнамои Агентии содирот муаррифӣ гардид. Инчунин таклифу пешниҳодҳои гурӯҳи корӣ оид ба пешбурди озмун баррасӣ шуданд.
АКС: Агентии содирот
Истиқлоли давлатӣ — асоси хушбахтӣ ва рушди давлатдории миллӣ
Имрӯз дар шаҳри Душанбе ҳаво то 36 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
