Дар Академияи идоракунии давлатӣ бо мақсади шарҳи Паёми Пешвои миллат мулоқот доир шуд
ДУШАНБЕ, 02.12.2021 /АМИТ «Ховар»/. Бо мақсади шарҳу тавзеҳи нуктаҳои Паёми Президенти Ҷумҳурии Тоҷикистон ба Маҷлиси Олии мамлакат ва дастовардҳои 30 соли соҳибистиқлолӣ мулоқоти гурӯҳи таблиғотии мақомоти иҷроияи ҳокимияти давлатии шаҳри Душанбе бо омӯзгорону донишҷӯёни Академияи идоракунии давлатии назди Президенти Ҷумҳурии Тоҷикистон доир шуд, хабар доданд ба АМИТ «Ховар» аз Академия.
Дар ҷамъомад муовини Раиси шаҳри Душанбе Мавсума Муинӣ, сардори раёсати ҷавонони шаҳри Душанбе Шоҳзод Раҳимов, директори Муассисаи давлатии ТВ «Душанбе» Маъруф Оқилов иштирок намуданд.
Меҳмонон бо шароити таълимии Академияи идоракунии давлатӣ шинос шуда, аз Маркази дӯстӣ ва ҳамкории СҲШ дар Тоҷикистон ва «Маркази омӯзиши Мактаби давлатдории Эмомалӣ Раҳмон» дидан намуданд.
Ноиби якум, ноиби ректор оид ба таълими Академияи идоракунии давлатӣ Даврон Сафарзода иброз дошт, ки “дар тӯли таърихи мавҷудияти миллати тоҷик дастоварди бузург ва арзиши волотарин- ин Истиқлолияти давлатии он мебошад. Истиқлол чун неъмати бебаҳо ва пурарзиш ҳамеша мояи ифтихору сарбаландии ҳар миллат буду ҳаст. Баъди соҳиб шудан ба истиқлолият миллати тоҷик ин ифтихори бузургро соҳиб гардид. Тӯли 30 сол мешавад, ки миллати тоҷик мустақил аст ва ба давлату миллати дигаре тобеъ ва пойбанд нест. Ҳуқуқи қабули қонуну қарорҳои худро дораду озод аст. Аз номи давлати худ андеша меронаду онро дар минбарҳои бонуфузу баланд муаррифӣ месозад”.
Дар ҷараёни вохӯрӣ муовини Раиси шаҳри Душанбе Мавсума Муинӣ доир ба дастовардҳои солҳои охир сухан намуда, гуфт, ки давоми соли 2020 новобаста ба мушкилоти бемории ҳамагири коронавирус рушди иқтисодиву иҷтимоӣ дар мамлакат таъмин шуд. Дар ин давра 300 корхонаи саноативу истеҳсолӣ ба фаъолият оғоз намуда, дар заминаи онҳо 6500 ҷойи нави корӣ ба миён омад.
Доир ба дастовардҳо дар соҳаи маориф ва омодасозии кадрҳои баландихтисос иштирокдорон сухан намуда, афзуданд, ки таъсиси Академияи идоракунии давлатии назди Президенти Ҷумҳурии Тоҷикистон ва бунёди бинои замонавии он аз самараи замони соҳибистиқлолист, ки бо ташаббуси бевоситаи Сарвари давлат роҳандозӣ шудааст.
Зикр шуд, ки Паём суханони самимонаи Пешвои миллат барои ҳар ҳамватан, пайғоми пурифтихори насли имрӯз ба наслҳои фардо ва муждаи созанда дар роҳи пурифтихори рушди давлатдории тоҷикон мебошад.
АКСҲО: Академияи идоракунии давлатии назди Президенти ҶТ
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
