Дар Душанбе ҷаласаи ҳафтуми Кумитаи роҳбарикунандаи байниидоравӣ баргузор гардид

Декабрь 24, 2021 16:04

ДУШАНБЕ, 24.12.2021 /АМИТ «Ховар»/. 23 декабр дар Вазорати меҳнат, муҳоҷират ва шуғли аҳолии Ҷумҳурии Тоҷикистон ҷаласаи ҳафтуми Гурӯҳи роҳбарикунандаи байниидоравӣ оид ба амалигардонии Лоиҳаи «Тақвияти таҳсилоти касбӣ-техникӣ ва омӯзиш» бо раисии муовини Сарвазири Ҷумҳурии Тоҷикистон Матлубахон Сатториён ва иштироки намояндагони вазорату идораҳои дахлдор баргузор гардид.

Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода иброз намуд, ки татбиқи лоиҳа дар сатҳи зарурӣ ба роҳ монда шуда, ҳадафи асосии он аз ворид намудани методологияи нави таълим дар асоси салоҳият аз рӯйи 17 касби интихобгардида дар панҷ бахши афзалиятноки  29 муассисаи ҳадафии низоми таҳсилоти ибтидоии касбии техникӣ ва омӯзиш иборат мебошад.

Ҳамчунин зикр шуд, ки методологияи нави таълим дар асоси салоҳият дар низоми таҳсилоти касбии техникӣ ҷорӣ гардида, дар заминаи он харитаҳои функсионалӣ, стандартҳои салоҳият, барномаву маводи таълимӣ барои 17 касби интихобгардида таҳия шуданд.

Дар ҷараёни ҷаласа иштирокдорон оид ба таҷдиди методологияи низоми таҳсилот, тасдиқи 17 стандарти салоҳияти касбҳо, навсозии инфрасохторҳо дар муассисаҳои давлатии таълимӣ, беҳтар намудани дастрасӣ ба барномаҳои таҳсилот, тақвияти низоми идоракунӣ ва менеҷменти замонавии таҳсилот маъруза намуданд.

Муовини Сарвазири ҷумҳурии Тоҷикистон Матлубахон Сатториён барои баланд бардоштани сифати таълим дар муассисаҳои таълимии низоми вазорат ва беҳтар намудани заминаҳои моддию техникии муассисаҳои таълимӣ тавсияҳо дод.

Дар 29 муассисаи давлатии таълимии низоми ибтидоии касбии техникӣ ва омӯзиш корҳои таъмириву барқарорсозӣ гузаронида шуда, бо асбобу таҷҳизоти таълимӣ таъмин карда шудаанд. Ҷиҳати муосидат ба соҳибкасб намудани шаҳрвандон аз қишрҳои осебпазири аҳолӣ курсҳои омӯзишӣ баргузор карда шуданд.

Гуфта шуд, ки лоиҳаи мазкур барои мустаҳкам намудани заминаҳои моддӣ-теникӣ ва барқарорсозии инфрасохторҳои литсейҳои касбии техникӣ ва марказҳои таълими калонсолони Вазорати меҳнат, муҳоҷират ва шуғли аҳолии Ҷумҳурии Тоҷикистон ва ба ин васила омода намудани мутахассисони баландихтисоси ҷавобгӯ ба талаботи бозори меҳнат равона гардидааст.

АКС: Вазорати меҳнат, муҳоҷират ва шуғли аҳолии ҶТ

Декабрь 24, 2021 16:04

Хабарҳои дигари ин бахш

Дар Бадахшон дар шаш моҳи соли равон ҳиссаи пасандозҳои шахсони воқеӣ 19 фоиз зиёд гардидааст
Дар ташкилоти ибтидоии ҳизбии «Ховар» маҷлиси ҳисоботӣ-интихоботӣ баргузор шуд
Чӣ бояд кард то дар фасли тобистон кӯдакон ба бемории илтиҳоби шуш гирифтор нашаванд?
Дар Душанбе пойгоҳи миллии ройгон барои ҷустуҷӯи кор ва коргарон муаррифӣ гардид
Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» неру ва тавоноии Артиши миллиро тақвият мебахшад
13-14 июл дар баъзе минтақаҳои Тоҷикистон омадани сел ва чангу ғубор дар назар аст
Дар шаҳри Хуҷанд ҳамоиши гирандагони стипендияи президентӣ доир шуд
Пешвои миллат ба Кумитаи Иҷроияи Ҳизби Халқи Демократии Тоҷикистон дар шаҳри Хоруғ ва ноҳияҳои Ишкошиму Роштқалъа автомошинаҳои хидматӣ тақдим намуданд
Дар 30 сол дар Тоҷикистон 24 ҳазор иншооти инфрасохторӣ сохта ба истифода дода шуд
ТАВСИЯИ МУТАХАССИС. Дар рӯзҳои гарми тобистон саломатии худ ва наздиконро эҳтиёт намоед
8 июл дар якчанд ноҳияҳои вилояти Суғд сел омад
Дар ноҳияи Данғара бо иштироки занони фаъол ҳамоиши фарҳангӣ — фароғатӣ баргузор гардид