Дар Душанбе бахшида ба Рӯзи байналмилалии мубориза бар зидди коррупсия ҷамъомад баргузор шуд
ДУШАНБЕ, 08.12.2021 /АМИТ «Ховар»/. Имрӯз бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо иштироки намояндагони донишгоҳҳои миллӣ, технологӣ, Академияи Вазорати корҳои дохилӣ, Академияи идоракунии давлатӣ ва Кумитаи кор бо ҷавонон ва варзиш дар маҷлисгоҳи Донишгоҳи технологии Тоҷикистон бахшида ба Рӯзи байналмилалии мубориза бар зидди коррупсия ҷамъомади оммавӣ баргузор гардид. Дар ин бора АМИТ «Ховар» бо истинод ба Агентии назорати давлатии молиявӣ ва мубориза бо коррупсия хабар медиҳад.
Мақсади асосии баргузории ҷамъомад — ин баланд бардоштани мафкураи зиддикоррупсионӣ ва маърифати ҳуқуқии аҳли ҷомеа, пешгирӣ намудани содиршавии ҳуқуқвайронкуниҳои коррупсионӣ, таъмини иҷрои қонунҳо ва барномаҳои давлатии зиддикоррупсионӣ арзёбӣ мегардад.
Дар ҷамъомад масъулини Агентӣ вобаста ба аҳамияти таҷлили Рӯзи байналмилалии мубориза бар зидди коррупсия, оқибатҳои хисороти ин падидади манфию хатарзо ба амнияти иқтисодии кишвар ва самтҳои мухталифи сиёсати зиддикоррупсионии Ҷумҳурии Тоҷикистон ибрози андеша намуданд.
Иштирокчиёни ҷамъомад дар мавзӯъҳои «Муқовимат бо фасод – омили рушд», «Тақвияти заминаҳои ҳуқуқӣ ва институтсионалии муқовимат ба коррупсия дар замони Истиқлолияти давлатӣ», «Муқовимат ба коррупсия муттаҳидии ҷомеаро тақозо мекунад», «Таъсири омилҳои коррупсионӣ ба психология ва шуури инсон» ва «Муайян кардани вазифаҳои шаҳрвандон дар самти пешгирии коррупсия бо роҳи ташаккули мафкураи зиддикоррупсионӣ» маърӯза намуданд.
Мавриди зикр аст, ки ташкил ва баргузор намудани чунин ҷамъомадҳо барои пешгирӣ намудани содиршавии ҳуқуқвайронкуниҳои коррупсионӣ ва дар маҷмӯъ иҷрои санадҳои меъёрию ҳуқуқии зиддикоррупсионӣ заминаи мусоид фароҳам оварда, ба паст гардидани сатҳ ва шиддати коррупсия мусоидат менамояд.
Дар фарҷом иштирокчиён дар доираи маърӯзаҳои ироашуда мубодилаи афкор намуда, паҳлӯҳои гуногуни падидаи коррупсияро мавриди музокира қарор доданд.
АКСҲО: Агентии назорати давлатии молиявӣ ва мубориза бо коррупсияи ҶТ
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
