Дар Душанбе маросими ҳавасмандгардонии ғолибони озмунҳои зеҳнӣ ва даври ноҳиявии олимпиадаҳои фаннии хонандагон доир шуд

Декабрь 29, 2021 11:00

 ДУШАНБЕ, 29.12.2021 /АМИТ «Ховар»/. 28 декабр дар Муассисаи таълимии давлатии “Гимназияи №1 барои хонандагони болаёқати шаҳри Душанбе” маросими ҳавасмандгардонии ғолибони озмунҳои зеҳнӣ ва даври ноҳиявии олимпиадаҳои фаннии хонандагон баргузор гардид, хабар медиҳад АМИТ “Ховар” бо истинод ба Сарраёсати маорифи шаҳри Душанбе.

Ҳавасмандгардонии хонандагон яке аз усулҳои босамари дастгирӣ ва ҷалб кардани хонандагони болаёқат ба донишандӯзӣ ва илмомӯзӣ мебошад. Дар даври дуюми (ноҳиявии) Олимпиадаи фаннии хонандагони муассисаҳои таълимии ноҳияи Сино хонандагони муассиса фаъолона ширкат варзида, соҳиби 57 ҷойи ифтихорӣ (22 ҷойи аввал, 18 ҷойи дуюм ва 17 ҷойи сеюм ) гардиданд.

Хонандагоне, ки ҷойи аввалро ишғол намуданд, бо ифтихорнома ва 300 сомонӣ, ҷойи дуюм- ифтихорнома ва 200 сомонӣ ва хонандагоне, ки ҷойи сеюмро ишғол намуданд, бо ифтихорнома ва 100 сомонӣ маблағи пулӣ қадрдонӣ карда шуданд.

Хонандагони муассиса дар Ҳафтаи илм, технология, инноватсия ва ихтироъкории наврасону ҷавонони шаҳри Душанбе, ки бо қарори Раиси шаҳри Душанбе аз 9 ноябри соли 2021 эълон шуда буд, фаъолона ширкат варзида, сазовори 20 ҷойи ифтихорӣ ва 6 Шоҳҷоиза, инчунин Ифтихорнома ва туҳфаҳои хотиравӣ гардиданд.

Инчунин 6 нафар хонандагоне, ки дар олимпиадаҳои байналмилалӣ, озмунҳои ҷумҳуриявии “Илм-фурӯғи маърифат” ва “Фурӯғи субҳи доноӣ китоб аст” фаъолона ширкат варзида, то даври ҷумҳуриявӣ расида, ғолиб омаданд, бо Сипоснома ва туҳфаҳои хотиравӣ қадрдонӣ гардиданд.

 

АКС: Сарраёсати маорифи шаҳри Душанбе

Декабрь 29, 2021 11:00

Хабарҳои дигари ин бахш

Аз 16 то 18 апрел дар Душанбе намоиш-фурӯши чакан баргузор мегардад
«НАҚШИ ПЕШВОИ МИЛЛАТ ДАР ТАҲКИМИ ВАҲДАТ». Таҳти ин унвон китоби нав ба нашр расид
Оид ба ҷойгоҳи китоб ва китобхонаҳо дар тарғиби музаффарияти истиқлолияти давлатӣ ҳамоиши илмӣ доир шуд
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Эмомалӣ Раҳмон: «Садриддин Айнӣ он солҳо беш аз дигарон ба дифои ҳуқуқу ҳастии тоҷикон баромада, қадимӣ, таърихӣ ва бумӣ будани миллаташро исбот намуд»
Дар бинои навбунёди Қасри фарҳанги шаҳри Истаравшан 30 нафар бо ҷойи кори доимӣ таъмин гардиданд
«СУКУТ ДАР КӮҲҲО». Лоиҳаи синамоии муштараки ин филм муҳокима гардид
Эмомалӣ Раҳмон: «Дар натиҷаи ҳафриёти бостоншиносӣ аз Қалъаи Хуҷанд бозёфтҳои нодири давраҳои пурифтихори таърихи халқи тоҷик ба даст омадаанд»
«ИЛМ-ФУРӮҒИ МАЪРИФАТ». Донишу маърифат ба аҳли башар бузургӣ ва хушбахтӣ меоранд
Президенти Тоҷикистон: «Ба хотири муаррифии ҳарчи бештари таъриху фарҳанги миллӣ сохтори алоҳидаи давлатӣ – Агентии ҳифзи мероси таърихиву фарҳангӣ таъсис додем»
Эмомалӣ Раҳмон: «Дар давраи соҳибистиқлолӣ зиёда аз 100 ёдгории таърихиву фарҳангӣ тармиму барқарор гардид»
Озмуну фестивали ҷумҳуриявии «Кадбонуи беҳтарин» ва «Сад ранги чакан» ҷамъбаст мешаванд