Дар Кӯлоб тақрибан 10 кг афюн дарёфт ва мусодира карда шуд
ДУШАНБЕ, 01.12.2021 /АМИТ «Ховар»/. Истиқоматкунандаи деҳаи Ёли ноҳияи Шамсиддини Шоҳин Рустам Сидиқов барои интиқол ва хариду фурӯши ғайриқонунии маводи нашъадор бо миқдори махсусан калон аз ҷониби кормандони Агентии назорати маводи нашъаовари назди Президенти Ҷумҳурии Тоҷикистон ҳангоми гузаронидани чораҳои фаврӣ-ҷустуҷӯӣ дар ҳудуди шаҳри Кӯлоби вилояти Хатлон дастгир гардид, хабар медиҳад АМИТ «Ховар».
Амалиёти мазкур 16 ноябр гузаронида шуда, зимни кофтукови шахсӣ аз дохили воситаи нақлиёте, ки Рустам Сидиқов маводи нашъаоварро интиқол медод, як адад халтаи полиэтилении рангаш сафед, ки дар дохили он як халатаи дигари рангаш кабуд бо навиштаҷоти «Тангем» иборат аз 10 адад бастаи селофании дорои маводи хамирмонанди ҷигариранги бӯи махсусдошта мавҷуд буд, дарёфт ва гирифта шуд.
Мувофиқи маълумотномаи шуъбаи экспертизаи судии Агентӣ, маводи дарёфтшуда воситаи нашъадори навъи афюн буда, вазни холиси онҳо 9 кг 855 граммро ташкил дод.
Муайян карда шуд, ки Рустам Сидиқов воситаи нашъадори навъи афюнро ба мақсади хариду фӯруши ғайриқонунунӣ соҳиб шудааст.
Ҳамин тариқ нисбат ба шаҳрванд Рустам Сидиқов ва дигарон бо моддаи 200 қисми 3 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ идома дорад.
Бояд тазаккур дод, ки қисми 3-и моддаи болозикр ҷазоро дар шакли маҳрум сохтан аз озодӣ ба муҳлати аз ҳашт то дувоздаҳ сол пешбинӣ менамояд.
Пӯшида нест, ки муомилоти ғайриқонунӣ ва истеъмоли ғайритиббии маводи мухаддир барои бисёр кишварҳо ба омили ҷиддии бесубот табдил ёфта, на танҳо ба саломатӣ ва амнияти миллионҳо одамон таҳдид мекунад, балки барои ҷомеаи шаҳрвандӣ, вазъи иқтисодӣ ва саломатии аҳолӣ хатари ногувор ба вуҷуд меоварад.
Бинобар ин, Агентии назорати маводи нашъаовари назди Президенти Ҷумҳурии Тоҷикистон ба сокинони мамлакат муроҷиат карда, зикр менамояд, ки вазъияти кунунӣ ҳар фарди бо нангу номуси кишварро водор месозад, то масъулиятшиносиро аз даст надода, дар пешгирӣ ва муқовимат ба ин вабои аср бетараф набошад.
АКС аз Агентии назорати маводи нашъаовари назди Президенти ҶТ
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
Дар Бадахшон ҷаласаи сайёри Комиссияи байниидоравӣ оид ба муқовимат ба савдои одамон баргузор шуд
Дар вилояти Хатлон ҷаласаи Шурои амният баргузор шуд
Дар Душанбе иқдоми «Тасмаи бехатарӣ – муҳофизи шумо дар роҳ» гузаронида шуд
Имсол шаҳрвандони солҳои таваллуди 1999-2008 ба хизмати ҳарбӣ даъват карда мешаванд
