Хадамоти иҷро 37,9 млн сомониро ба манфиати шахсони ҳуқуқӣ ва соҳибкорони инфиродӣ ситонид

Декабрь 8, 2021 14:20

ДУШАНБЕ, 08.12.2021 /АМИТ «Ховар»/. «Дар самти ситонидани маблағи зарар, қарз ва дигар баҳсҳои иқтисодӣ дар истеҳсолоти иҷрочиёни Хадамот дар соли 2021 415 адад ҳуҷҷатҳои иҷро аз рӯи санадҳои судӣ ба манфиати шахсони ҳуқуқӣ ва соҳибкорони инфиродӣ барои иҷрои маҷбурӣ ворид гардида, аз ин 37,9 млн сомонӣ, 1 млн 625 ҳазор доллари ИМА ва 3 млн 834 ҳазор рубли Федератсияи Русия ситонида шудааст». Ин матлаб  зимни баргузории  суҳбати «мизи мудаввар» дар мавзӯи «Иҷрои санадҳои судӣ дар самти  ситонидани маблағ ба манфиати соҳибкорон – яке аз кафолатҳои ҷалби инвеститсионӣ дар кишвар» зикр карда шуд.

Тавре аз Хадамоти иҷрои назди Ҳукумати Ҷумҳурии Тоҷикистон ба АМИТ «Ховар» хабар доданд, дар кори он намояндагони ҳокимияти судӣ, прокуратура, вазоратҳои корҳои дохилӣ, молия, адлия, Бонки миллӣ, Кумитаи давлатии сармоягузорӣ ва идораи амволи давлатӣ, Кумитаи андоз, Маркази миллии қонунгузории назди Президенти Ҷумҳурии Тоҷикистон, Ваколатдор оид ба ҳуқуқи инсон, Иттифоқи адвокатҳо, Барномаи рушди Созмони Милали Муттаҳид,  устодони факултети ҳуқуқшиносии Донишгоҳи миллии Тоҷикистон, Донишгоҳи славянии Русия ва Тоҷикистон иштирок намуданд.

Сардори Хадамоти иҷрои назди Ҳукумати Ҷумҳурии Тоҷикистон Барно Саидвализода иброз намуд, ки бо дастгирии Ҳукумати Ҷумҳурии Тоҷикистон, роҳбарияти Дастгоҳи иҷроияи Президенти Ҷумҳурии Тоҷикистон кормандони Хадамот дар давраи фаъолият ба натиҷаҳои хуби меҳнатӣ ноил гардиданд. Сифати иҷрои санадҳои судӣ ва санадҳои дигар мақомоти давлатӣ рӯ ба беҳбудӣ ниҳода, фоизи иҷрои воқеӣ назар ба солҳои пешин ба маротиб баланд бардошта шудааст.

Зикр карда шуд, ки баҳри фаъолияти соҳибкорӣ ва рушди он 17 июли соли 2014 Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» қабул гардид, ки қонуни мазкур муносибатҳои ҷамъиятиро вобаста ба ҳимоя, дастгирии давлатӣ ва рушди соҳибкорӣ дар Ҷумҳурии Тоҷикистон танзим ва кафолатҳои давлатии фаъолияти субъектҳои соҳибкориро таъмин мекунад.

Аз ҷониби иштрокчиён зикр гардид, ки баҳри таъмини иҷрои саривақтии санадҳои судӣ, ки иҷрои онҳо манфиатҳои шахсони ҳуқуқӣ ва соҳибкорони инфиродиро барқарор намуда, барои ҷалби сармоягузорӣ шароити мусоид фароҳам меоварад, сари вақт бояд тадбирҳои таъминотӣ андешид.

Аз тарафи судҳои иқтисодии ҷумҳурӣ дар рафти мурофиаҳои судӣ аз 415 адад ҳуҷҷатҳои иҷрои воридгардида дар 29 ҳолат чораҳои таъминотӣ татбиқ гардидааст, ки 5,3% ҳуҷҷатҳои воридгардидаро ташкил медиҳад. Зикр гардид, ки сари вақт наандешидани тадбирҳои таъминотӣ боиси аз тарафи қарздорон то лаҳзаи ба истеҳсолоти иҷрочиён ворид гардидани ҳуҷҷати иҷро сабаби бегона кардани молу мулки манқул ва ғайриманқул, маблағҳои пулӣ ва дигар дороиҳо мегарданд

Иштирокдорон вобаста ба мавзӯи баррасишаванда, мушкилиҳо ва роҳҳои ҳалли иҷрои санадҳои судӣ бобати ситонидани маблағ ба манфиати соҳибкорон таклифу пешниҳодҳо изҳор доштанд.

Ҳамоиш ба дарёфти ҳалли мушкилиҳои соҳа ва рушди соҳибкорӣ замина гузошта, ба ҷалби инвеститсия дар кишвар такон мебахшад. Мизи мудаввар бо дастгирии шарикии рушди намояндагони Барномаи «Мусоидат ба волоияти қонун дар кишварҳои Осиёи Марказӣ» ҷамъияти ҳамкории байналмилалии Олмон (GIZ) дар Ҷумҳурии Тоҷикистон баргузор гардид.

 АКС: Хадамоти иҷро

Декабрь 8, 2021 14:20

Хабарҳои дигари ин бахш

САВГАНДИ ҲАРБӢ. Ҳадаф ин аст, ки масъулиятшиносӣ аз миён наравад, аҳдшиканӣ набошад ва қонуншиканӣ дида нашавад
Кушта шудани 4000 нерӯи амниятии Афғонистон дар зимни ғасби қудрат аз тарафи толибон
Хабари маркази матбуоти Прокуратураи ноҳияи Шоҳмансури шаҳри Душанбе
Аз 1 январи соли 2022 сомонаи Агентии назорати давлатии молиявӣ ва мубориза бо коррупсия бо тарҳи нав фаъол мешавад
Тоҷикистон ва Русия ҳамкориро дар мубориза бо муомилоти ғайриқонунии маводи нашъаовар тақвият мебахшанд
«МО ИТОАТ НАМЕКУНЕМ». Сафорати Афғонистон дар Душанбе дар мавриди тамос бо толибон
ВАО: толибон ба сӯи занони эътирозгар дар Кобул оташ кушоданд
Имрӯз Рӯзи кормандони мақомоти амнияти миллии Тоҷикистон таҷлил мегардад
Русия дар марзи Тоҷикистон ва Афғонистон посгоҳи сарҳадӣ месозад
Созишномаи Тоҷикистон ва Узбекистон дар соҳаи разведкаи ҳарбӣ дар мубориза бо терроризм ва ифротгароӣ мусоидат хоҳад кард
Дар Қувваҳои Мусаллаҳи Ҷумҳурии Тоҷикистон омодагиҳо ба соли нави таҳсил оғоз гардиданд
Раҷаббой Аҳмадзода аз қисмҳои низомии шаҳрҳои Исфара ва Конибодом боздид намуд