Хадамоти иҷро дар арафаи Соли нави мелодӣ ба пиронсолону маъюбон кумак расонид
ДУШАНБЕ, 29.12.2021. /АМИТ «Ховар»/. Дар пайравӣ бо ташаббусу иқдомҳои инсондӯстонаи Пешвои миллат муҳтарам Эмомалӣ Раҳмон дар арафаи Соли нави мелодӣ аз ҷониби сардори Хадамоти иҷрои назди Ҳукумати Ҷумҳурии Тоҷикистон Барно Саидвализода ба муассисаи давлатии “Хона-интернати пиронсолон ва маъюбон”-и шаҳри Турсунзода кумаки маводҳои эҳтиёҷотӣ, аз қабили орд, равған, биринҷ, шакар, уребча (памперс), хамираи дандоншӯӣ, собун, хокаи ҷомашӯӣ, сони сафед расонида шуд. Дар ин бора ба АМИТ “Ховар” аз Ҳадамоти иҷро хабар доданд.
Бино ба иттилои манбаъ, инчунин ба кормандони дастгоҳи марказии Хадамот кумаки маводҳои ғизоӣ, аз ҷумла орд, равған, биринҷ, картошка, сабзӣ, пиёз ва туҳфаҳои солинавӣ аз ҳисоби маблағҳои махсуси Хадамот расонида шуд.
Ҳамчунин, аз ҷониби раёсатҳои иҷро дар вилоятҳои Суғду Хатлон ба муассисаи таълимии “Хона-интернат”-и ноҳияи Спитамен маводҳои зарурӣ, ба мисли бистар (курпа), хамираи дандоншӯӣ, собун, хокаи ҷомашӯӣ, ба филиали ташкилоти ҷамъиятии “Иттиҳодияи миллии маъюбони Тоҷикистон” дар шаҳри Бохтар ва филиали ташкилоти ҷамъиятии “Ҷамъияти нобиноёни Тоҷикистон” дар шаҳри Бохтар кӯмаки молиявӣ аз ҳисоби маблағҳои махсус расонида шуд.
Бояд гуфт, ки Хадамоти иҷрои назди Ҳукумати Ҷумҳурии Тоҷикистон дар доираи ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар арафаи ҳар ҷашну идҳо барои дастгирию кумаки саривақтии табақаи ниёзманди ҷомеа, бахусус ятимону маъюбон ва пиронсолон тадбирҳои зарурӣ меандешад.
Дастгирии маъюбон, ятимону бепарасторон ва оилаҳои ниёзманд аз солҳои аввали соҳибистиқлолӣ дар мадди назари Пешвои миллат муҳтарам Эмомалӣ Раҳмон қарор дошт ва чун анъана дар арафаи ҳама иду айём ин амали неку инсондӯстона сурат мегирад. Дасти кӯмак дароз намудан ба ятимону бепарасторон, пиронсолон ва оилаҳои ниёзманд аз хислатҳои неки инсонӣ маҳсуб меёбанд ва хушбахтона имрӯз ҳамчун анъана дар арафаи ҳама иду ҷашнҳои миллӣ аз тарафи мақомоти давлатӣ ин амали хайр анҷом дода мешавад.
АКСҲО: Хадамоти иҷро
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
