Кормандони милитсияи ноҳияи Кӯшониён соҳиби китобхона ва ошхонаи муосир шуданд
ДУШАНБЕ, 20.12.2021 /АМИТ «Ховар»/. Дар шуъбаи Вазорати корҳои дохилӣ дар ноҳияи Кӯшониёни вилояти Хатлон китобхонаи замонавӣ таъсис дода шуд, ки дорои 1000 нусха адабиёти гуногун мебошад. Кормандони шуъбаи мазкур ҳамчунин бо дастгирии соҳибкорони ватанӣ соҳиби ошхонаи муосир гардиданд, хабар доданд аз маркази матбуоти Вазорати корҳои дохилии мамлакат ба АМИТ «Ховар».
Дар маросими ба истифода додани китобхона ва ошхона муовини аввали сардори Раёсати ВКД дар вилояти Хатлон, подполковники милитсия Фатҳулло Абдураҳмонзода иброз дошт, ки ин боргоҳи дониш бо мақсади ҷалби кормандон ба мутолиаи китоб таъсис ёфтаааст ва ҳар як корманди милиса метавонад аз ин махзани маърифат барои ғизои маънавӣ бардоштан истифода барад.
«Бо дастуру супоришҳои Пешвои миллат муҳтарам Эмомалӣ Раҳмон роҳбарияти вазорати корҳои дохилии мамлакат баҳри таъмини шароити мусоиди корӣ барои кормандон пайваста тадбирҳои зарурӣ меандешад. Бунёди китобхонаву ошхонаи муосир дар тамоми мақомоти корҳои дохилӣ, ки ба беҳтар гардидани вазъи иҷтимоии кормандони соҳа нигаронида шудааст, аз ҷумлаи онҳост»,-афзуд Фатҳулло Абдураҳмонзода.
Ёдовар мешавем, ки роҳбарияти Раёсати ВКД дар вилояти Хатлон, ҳайати шахсии шуъбаи ВКД дар ноҳияи Кӯшониён ва намояндагони мақомоти ҳокимияти давлатии ноҳияи Кӯшониён дар ин рӯз ҳамчунин атрофи бинои шуъбаи мазкурро, ки дар доираи тадбирҳои ободонию созандагӣ сафолакпӯш гардида, дар ҳудуди он гулҳои рангоранг ва ниҳолҳои ҳамешасабзу ороишӣ шинонида шудааст, дидан намуданд.
Фатҳулло Абдураҳмонзода таъкид кард, ки дар баробари иҷрои вазифаҳои асосии самти фаъолият кормандони ШВКД дар ноҳияи Кӯшониён ва ҷузъу томҳои он инчунин дар корҳои созандагиву ободонӣ фаъолона иштирок менамоянд, ки шоистаи таҳният аст.
Дар фарҷоми чорабинӣ бархе аз кормандони милитсия барои хизмати софдилона, содиқона, зоҳир намудани маҳорату малакаи баланди касбӣ, таъмини тартиботи ҷамъиятӣ, натиҷаҳои баланди хизматӣ ва саҳми арзанда гузоштан дар корҳои ободониву созандагӣ бо туҳфаҳо ва мукофоти пулӣ дар вазъияти тантанавӣ қадрдонӣ карда шуданд.
АКСҲ аз Вазорати корҳои дохилии ҶТ
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
