Лоиҳаи «Беҳтаргардонии низоми обтаъминкунии шаҳри Хуҷанд, марҳилаи 3» пурра татбиқ гардид
ДУШАНБЕ, 02.12.2021 /АМИТ «Ховар»/. Дар вилояти Суғд лоиҳаи «Беҳтаргардонии низоми обтаъминкунии шаҳри Хуҷанд, марҳилаи 3» пурра амалӣ гардида, шароити беҳтари фаъолият муҳайё карда шуд. Ин нуктаро директори генералии Корхонаи воҳиди давлатии коммуналии «Хуҷандобуканал» Носир Ғафурзода зимни маросими ҷамъбасти лоиҳаи мазкур иброз намуд, иттилоъ доданд аз хадамоти матбуоти Раиси вилояти Суғд ба АМИТ «Ховар».
Иттилоъ дода шуд, ки бо татбиқ гардидани лоиҳаи мазкур якчанд корҳо амалӣ шуданд. Аз ҷумла, иншооти партовоббардории асосӣ таъмир ва таҷдид гардида, дар ин раванд ҳисобченкунакҳои обии ҳаҷмашон калон ва таҷҳизоти иловагӣ харидорӣ ва насб карда шуданд. Қубурҳои фарсуда иваз гардида, мошин ва механизмҳо барои истифода ва хизматрасонии техникӣ харидорӣ карда шуданд.
Роҳбари намояндагии Бонки Аврупоии Таҷдид ва Рушд (БАТР) дар Тоҷикистон Рика Ишӣ аз вазъи татбиқи лоиҳа тибқи нақшаи пешбинишуда изҳори қаноатмандӣ карда, омодагии хешро ҷиҳати мусоидат ба амалинамоии дигар лоиҳаҳои муҳим таъкид дошт.
АКС: хадамоти матбуоти Раиси вилояти Суғд
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
