Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара ба мутахассисон эҳтиёҷ дорад

Декабрь 29, 2021 11:28

ДУШАНБЕ, 29.12.2021 /АМИТ «Ховар»/. Маҷмааи нассоҷии ҶСП «Ҷунтай Данғара Син Силу Текстил» дар ноҳияи Данғара бо назардошти васеъ гардонидани раванди истеҳсолӣ дар корхонаи мазкур ба мутахассисони дорои ихтисосҳои дӯзанда, бофанда, буранда, дарзмолкунанда ва ғайра ба теъдоди 497 нафар эҳтиёҷ дорад. Ин нуктаро масъулини маҷмааи мазкур зимни боздиди Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода аз ин корхона, ки 28 декабр сурат гирифт, баён намуданд. Дар ин бора аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» иттилоъ доданд.

Ширкат бо технологияҳои муосир фаъолият дошта, бо шароити зарурии корӣ таъмин мебошад. Музди меҳнати кормандон аз 1300 то 2300 сомониро ташкил медиҳад. Кормандоне, ки аз ноҳияҳои дурдаст ба кор ҷалб мешаванд, бо ҷойи хобу хӯроки гарм таъмин мегарданд. Айни замон қисми зиёди кормандонро занон ташкил медиҳанд.

Дар мулоқот ҳамчунин муовини Вазири меҳнат, муҳоҷират ва шуғли аҳолии Ҷумҳурии Тоҷикистон Нурулло Маҳмадуллозода, сардори Хадамоти муҳоҷирати Вазорати меҳнат, муҳоҷират ва шуғли аҳолии мамлакат Тоҳир Каримзода, роҳбарияти сохторҳои вазорат дар вилояти Хатлон ва минтақаи Кӯлоб, инчунин намояндаи Вазорати саноат ва технологияи нави Ҷумҳурии Тоҷикистон иштирок намуданд.

Зимни боздид маълум гардид, ки дар корхона ҷойҳои кории зиёд дар соҳаи нассоҷӣ таъсис шуда, кормандони маҳаллӣ баъд аз омӯзиш ба кор ҷалб шудаанд.

Дар робита ба ин Ширин Амонзода ба сохторҳои дахлдори вазорат ҷиҳати ташкили курсҳои кӯтоҳмуддати касбомӯзӣ барои бокортаъминкунии шаҳрвандон дар ин корхонаи саноатӣ, инчунин шаҳодатномакунонӣ ва малакаҳои касбии кормандони фаъолиятдошта ва додани шаҳоданомаҳои тахассусӣ ба онҳо супоришҳои қатъӣ дод.

Тасмим гирифта шуд, ки барои ҷалби кормандон ба маҷмааи мазкур барои занони хоҳишманд аз шаҳру ноҳияҳои мамлакат дар заминаи коргоҳҳои корхона бо гузаштани машғулияти амалии таълимӣ курсҳои омӯзишӣ ташкил карда шуда, баъди хатми курсҳо дар корхонаи мазкур бо кор таъмин карда шаванд.

Ҳамкорӣ бо корхонаҳои саноатӣ бо мақсади омода намудани кадрҳо тибқи талаботи корфармо дар заминаи дастуру супоришҳо аз Паёми навбатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» аз 21 декабри соли 2021 густариш меёбад.

 АКС:  маркази матбуоти ВАзорати меҳнат, муҳоҷират ва шуғли аҳолии ҶТ

Декабрь 29, 2021 11:28

Хабарҳои дигари ин бахш

Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад