«Somon Air» ва «Hans Biotech» оид ба ҳамкорӣ дар соҳаи ҳамлу нақли ҳавоӣ ва пайвастнамоии хатсайрҳо Ёддошти тафоҳум ба имзо расониданд
ДУШАНБЕ, 02.12.2021 /АМИТ «Ховар»/. Дар доираи иқдомҳои рушди сайёҳӣ миёни ширкати ҳавопаймоии «Somon Air» ва ширкати «Hans Biotech»-и Корея Ёддошти ҳусни тафоҳум оид ба ҳамкорӣ дар соҳаи ҳамлу нақли ҳавоӣ ва пайвастнамоии хатсайрҳо ҷиҳати сафари мувофиқ барои шаҳрвандони Тоҷикистон ба Ҷумҳурии Корея ва шаҳрвандони Корея ба Ҷумҳурии Тоҷикистон ба тасвиб расид.
Ба АМИТ «Ховар» аз ширктаи ҳавопаймоии «Сомон Эйр» итилоъ доданд, ки санади мазкурро аз ҷониби ширкати ҳавопаймоии «Сомон Эйр» директори генералӣ Суҳроб Ҷӯраев ва аз ҷониби ширкати «Hans Biotech» муассиси он Бекхи Хан ба имзо расониданд.
Тибқи шартҳои Ёддошти ҳусни тафоҳум ширкати ҳавопаймоии «Сомон Эйр» парвозҳоро дар хатсайри Душанбе-Тошканд-Душанбе ба таври мунтазам ва ҳамчунин дар заминаи дархостҳои алоҳида роҳандозӣ менамояд. Ширкати «Hans Biotech» уҳдадор аст парвозҳоро бо хатсайри Тошканд-Сеул-Тошканд тавассути хатсайрҳои мунтазам ва чартерии ширкати ҳавопаймоии “Asiana Airlines” ташкил намояд.
Интизор меравад, ки иҷрои парвозҳо дар масири пайвастшаванда баҳори соли 2022 шурӯъ шавад.
Директори генералии ширкати ҳавопаймоии «Сомон Эйр» Суҳроб Ҷӯраев зикр намуд, ки «ба шарофати тасмимҳои ҳукуматҳои ҳарду давлат муносибатҳои дӯстона миёни Ҷумҳурии Тоҷикистон ва Ҷумҳурии Корея тақвият меёбанд. Мо аз имзои ин санад хушнудем, зеро он имкони густариши равобити дуҷонибаро тавассути хатсайрҳои васлшаванда фароҳам меорад. Инчунин дар заминаи созишномаҳои код-шерӣ ва интерлайнӣ ширкати ҳавопаймоии «Сомон Эйр» имкон дорад шабакаи парвозҳои худро тавсеа дода, мусофирони бештареро фаро гирад».
Аксҳо аз ширкати ҳавопаймоии «Сомон Эйр»
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
