ТАНЗИМИ МАЪРАКАҲО — ОМИЛИ ЗИНДАГИИ БОСАОДАТ. Таҳти ин унвон дар шаҳри Левакант бо сокинон мулоқот доир гардид
ДУШАНБЕ, 08.12.2021 /АМИТ «Ховар»/. Дар доираи татбиқи амалии қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» ва аҳамияти он дар таҳкими пояҳои иҷтимоӣ ва иқтисодӣ дар ҷомеа, имрӯз бо ибтикори Кумитаи иҷроияи Ҳаракати ваҳдати миллӣ ва эҳёи Тоҷикистон дар шаҳри Леваканти вилояти Хатлон бо сокинон дар мавзӯи «Танзими маъракаҳо – омили зиндагии босаодат» вохӯрии судманд баргузор гардид. Дар ин бора АМИТ «Ховар» бо истинод ба Кумитаи иҷроияи Ҳаракати ваҳдати миллӣ ва эҳёи Тоҷикистон хабар медиҳад.
Дар вохӯрӣ мушовири калони Ҳаракати ваҳдати миллӣ ва эҳёи Тоҷикистон Шараф Алланазаров сухан карда, ба иштирокдорон оид ба муваффақияти ба дастомада дар таҳкими вазъи иҷтимоӣ ва иқтисодии сокинони мамлакат пас аз қабули қонуни танзим иттилои васеъ дод.
Аз ҷумла, зикр гардид, ки аҳамият ва муҳимияти Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон»-ро ба назар гирифта, имрӯзҳо кишварҳои минтақаи Осиёи Марказӣ аз ин таҷрибаи нодир истифода намуда истодаанд.
Аъзои Шӯрои куҳансолони Ҳаракати ваҳдати миллӣ ва эҳёи Тоҷикистон Маҳмадалӣ Абдулҳақов, сармутахассиси шуъбаи дини мақомоти иҷроияи ҳокимияти давлатии вилояти Хатлон Умарҷон Сафаров ва мудири бахши занони шаҳри Левакант Нуқра Халилова занону бонувони шаҳри Левакантро ба роҳ надодан ба исрофкорӣ ва худдорӣ кардан аз ҳар гуна зиёдаравӣ ҳидоят карданд.
Дар фарҷом раиси Шӯрои собиқадорони ҷангу меҳнати шаҳри Левакант Ҳикматулло Султонов иброз дошт, ки таҳкими истиқлолу озодӣ, амният ва субот дар Тоҷикистон натиҷаи хидматҳои шабонарӯзии Пешвои миллат муҳтарам Эмомалӣ Раҳмон ва халқи шарифи Тоҷикистон буда, ҳифзи ин дастовардҳо масъулияти ҳар яки мо мебошад.
АКСҲО: Кумитаи иҷроияи Ҳаракати ваҳдати миллӣ ва эҳёи Тоҷикистон
Барои маблағгузории нафақа беш аз 4 миллиард сомонӣ равона гардидааст
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
ИМРӮЗ-РӮЗИ БАЙНАЛМИЛАЛИИ КОҲИШИ ХАТАРИ ОФАТҲОИ ТАБИӢ. Дар Тоҷикистон барои пешгирии хатари офатҳо беш аз 60 миллион сомонӣ ҷудо гардидааст
Конференсияи илмӣ оид ба саҳми экспедитсияи бостоншиносӣ дар омӯзиши Панҷакенти қадим баргузор мегардад
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
Рӯзи дарҳои кушоди Академияи хурди илмҳои Тоҷикистон баргузор шуд
ТАРЗИ ҲАЁТИ СОЛИМ. Камҳаракатӣ барои пайдоиши бемориҳои гуногун замина фароҳам меорад
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Шахсони дорои масунияти заиф бештар ба зуком гирифтор мешаванд
СОЛИ ОБОДОНИЮ БУНЁДКОРӢ. 100 хоҷагии деҳаи Зарнисор-1-и ноҳияи Рӯдакӣ бо оби тозаи ошомиданӣ таъмин гардид
Шаҳри Душанбе соҳиби Шоҳҷоизаи Озмуни ҷумҳуриявии «Бонувони муваффақи шаҳру ноҳияҳои Тоҷикистон» гардид
Таъмини шаҳри Душанбе бо барқ ва гармӣ дар меҳвари таваҷҷуҳи масъулин қарор дорад
