Вакилони Маҷлиси намояндагон дар кори Кумитаи 23-юми умумии конфронси иттиҳоди парлумонии кишварҳои аъзои СҲИ иштирок намуданд

Декабрь 15, 2021 14:03

ДУШАНБЕ, 15.12.2021 /АМИТ «Ховар»/. Бо ибтикори Маҷлиси Бузурги Миллии Туркия дар шаҳри Истанбул Кумитаи 23-юми умумии Конфронси иттиҳоди парлумонҳои кишварҳои аъзои Созмони Ҳамкории Исломӣ дар мавзӯи «Мубодила, виҷдон ва ислом, Фаластин, муҳоҷират ва Афғонистон» баргузор гардид, ки дар кори он ҳайати вакилони Парлумони Тоҷикистон — муовини якуми Раиси Маҷлиси намояндагони Маҷлиси Олии Ҷумҳурии Тоҷикистон  Маҳмадалӣ Ватанзода ва узви кумита оид ба масъалаҳои аграрӣ, захираҳои об ва замини Маҷлиси намояндагони Маҷлиси Олии Ҷумҳурии Тоҷикистон Зоир Раҳмонзода иштирок намуданд, хабар дод котиби матбуоти Маҷлиси намояндагон Муҳаммадато Султонов ба АМИТ «Ховар».

Зимни конфронс, ки чанде қабл баргузор гардид, Раиси Маҷлиси Бузурги Миллии Туркия  Мустафо Шентоп, Котиби кулли ин созмон, Президенти Ҷумҳурии Туркия Редҷеп Эрдоган ва намояндагони кишварҳои аъзои ин созмон вазъи сиёсиву иқтисодӣ ва иҷтимоии Фаластину Афғонистон ва махсусан вазъи муҳоҷиратро дар раванди пандемияи фарогир баррасӣ намуданд.

Дар ҷараёни ин конфронс масъалаҳои ташкилӣ низ баррасӣ гардида, ҳайати комиссияҳи созмон аз нав интихоб карда шуд.

Вакили Маҷлиси намояндагон Зоир Раҳмонзода ҳамчун узви комиссияи иқтисодии ин кумита интихоб карда шуд.

Мувофиқи рӯзномаи ҷаласа, барномаҳои кории ин созмон барои солҳои 2022 ва 2023 баррасӣ шуда, нисбат ба онҳо қарорҳо қабул гардиданд.

Дар охири кори конфронс аз ҷониби ҳамаи аъзои Созмон Изҳорот оид ба беҳтар намудани вазъи сиёсӣ, иқтисодиву иҷтимоии Фаластину Афғонистон ва пешгириву мусоидат ба ҳолати иҷтимоии муҳоҷирони мусулмон қабул карда шуд.

Ҳамчунин зимни ин сафар бо ҳайатҳои парлумонии дигар кишварҳои аъзои созмон вохӯрию суҳбатҳо доир гардида, дар бораи Тоҷикистон ва Парлумони мамлакат, инчунин вазъи кунунии иқтисодиёти кишвар мубодилаи афкор сурат гирифт.

Сафари мазкур ҷиҳати мустаҳкам намудани робитаҳои байнипарлумонӣ бо дигар кишварҳои аъзои созмон шароити мусоид фароҳам овард.

АКС: МН МО ҶТ

Декабрь 15, 2021 14:03

Хабарҳои дигари ин бахш

Дар иҷлосияи Маҷлиси намояндагон Созишнома дар бораи таҳкими алоқаи байниҳамдигарии нақлиёти рӯйизаминӣ дар Осиёи Марказӣ ба тасвиб расид
Натиҷаи интихоботи даъвати нави аъзои Маҷлиси миллии Маҷлиси Олӣ дар ҳавзаҳои интихоботии бисёрмандатӣ тасдиқ гардид
Дар Парлумон ба муносибати ҷашни Наврӯз ҳамоиш баргузор гардид
Имрӯз иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир мешавад
Маҳмадтоир Зокирзода: «Даъвати шашум давраи беҳтарин дар корномаи касбии вакилон мебошад»
Иҷлосияи Маҷлиси намояндагони Маҷлиси Олии Ҷумҳурии Тоҷикистон баргузор гардид
Пагоҳ иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Рӯйхати вакилон ба Маҷлиси намояндагони Маҷлиси Олии Ҷумҳурии Тоҷикистон тасдиқ гардид
Эмомалӣ Раҳмон: «18 нафар занон ҳамчун вакили Маҷлиси намояндагон ва 747 нафар ба маҷлисҳои маҳаллӣ интихоб шуданд»