«ЗОДАГОНИ ДАВРОНИ ИСТИҚЛОЛ». Таҳти чунин унвон озмуни расмкашӣ ҷамъбаст гардид

Декабрь 11, 2021 10:02

ДУШАНБЕ, 11.12.2021 /АМИТ «Ховар»/. Бо ибтикори мақомоти Ваколатдор оид ба ҳуқуқи инсон дар Ҷумҳурии Тоҷикистон дар ҳамкорӣ бо мақомоти иҷроияи ҳокимияти давлатии шаҳри Душанбе ва Хазинаи кӯдакони СММ дар Тоҷикистон озмуни расмкашӣ таҳти унвони «Зодагони даврони Истиқлол» гузаронида шуд, хабар доданд аз Хадамоти матбуоти Ваколатдор оид ба ҳуқуқи инсон ба АМИТ «Ховар».

Озмуни мазкур ба ифтихори 30-солагии Истиқлолияти давлатии Ҷумҳурии Тоҷикистон ва 75-солагии таъсиси Хазинаи кӯдакони СММ моҳҳои сентябр – ноябри имсол барои кӯдакони шаҳри Душанбе ташкил ва гузаронида шуд.

Дар доираи силсилачорабиниҳои мақомоти ВҲИ ҶТ ба ифтихори Ҳафтаи ҳуқуқи инсон ҷамъбасти даври ниҳоии озмуни мазкур дар Осорхонаи миллии Тоҷикистон бо иштироки 250 нафар кӯдакони шаҳри Душанбе, меҳмонони фахрӣ аз мақомоти дахлдори давлатӣ ва созмонҳои байналмилалӣ баргузор гардид.

Дар оғоз ба ҳамаи иштирокчиёни озмун ба муносибати ҷашнҳои зикршуда туҳфаҳои хотиравӣ тақдим карда шуда, зимни гузаронидани ҳамоиш аз ҷониби меҳмонони фахрӣ ба 21 нафар иштирокчиёни даври ниҳоии озмун ифтихорномаҳо, ба 9 нафар ғолибони озмун дар 3 гурӯҳи синнусолӣ дипломҳо ва ҷоизаҳои пулӣ, инчунин ба 9 нафар омӯзгорони ғолиби озмун сипосномаҳо ва ҷоизаҳои пулӣ тақдим карда шуданд.

Дар анҷом барномаи ҷолиби консертӣ, ки аз ҷониби ҳунармандони навраси Маркази кӯдакон ва наврасони шаҳри Душанбе омода шуда буд, манзури иштирокчиёни озмун гардонида шуд.

АКС: ВҲИ ҶТ

Декабрь 11, 2021 10:02

Хабарҳои дигари ин бахш

Дар Москва ба муносибати 25-солагии таъсиси Ташкилоти заминавии кор бо забонҳо ва фарҳангҳои кишварҳои ИДМ чорабинӣ баргузор гардид
Дар шаҳри Гулистон Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз ёфт
Дар вилояти Хатлон Фестивали ҷумҳуриявии «Ҳафтаи китоби кӯдакону наврасон» оғоз гардид
Имрӯз дар Тоҷикистон Рӯзи байналмилалии китоб таҷлил мегардад
Дар Душанбе Фестивали ҷумҳуриявии «Ҳафтаи китоби кӯдакону наврасони Тоҷикистон» оғоз мегардад
Масъалаи баргузории Рӯзҳои фарҳанги Ҷумҳурии Тоҷикистон дар Ҷумҳурии Қирғизистон баррасӣ шуд
Аъҷубасозӣ як бахши ҳунари кулолӣ ва сохтани бозичаҳо аз гилу сафол мебошад
Дар вилояти Суғд бо иштироки меҳмонон аз Узбекистон ва Қирғизистон ҳамоиши фарҳангӣ баргузор гардид
МУЖДАИ НАВРӮЗӢ. «Ёддоштҳо»-и устод Айнӣ барои ҳамзабонони эронӣ ба нашр расид
Бахшида ба Соли фарҳанги китобхонӣ дар вилояти Хатлон китоби «Наврӯзномаи Хатлон» ба табъ расид
Ҳунари балети Тоҷикистон дар Париж муаррифӣ мегардад
Дабири кулли Созмони ҳамкории иқтисодӣ дар Осорхонаи миллӣ намоиши анъанавии «Аз Наврӯз то Наврӯз»-ро тамошо намуд