Бо барқарорсозии канали «Кокул-2»-и ноҳияи Фархор пахтакорӣ ва дигар бахшҳои кишоварзӣ аз нав ба роҳ монда мешаванд
ДУШАНБЕ, 14.01.2022 /АМИТ «Ховар»/. Дар Ҷамоати деҳоти Хутани ноҳияи Фархор имрӯзҳо бо дастгирии мақомоти иҷроияи ҳокимияти давлатии ноҳия қисмати харобгаштаи канали «Кокул-2», ки чанд сол қабл бинобар сабаби баланд шудани оби дарёи Сурхоб пурра вайрон шуда буд, бо истифода аз мошину механизмҳои зарурӣ барқарор карда мешавад. Канали мазкур бояд то мавсими нави обёрии соли 2022 пурра барқарор карда шавад. Баъд аз оғози корҳои сохтмонӣ аллакай беш аз 800 нафар сокинони деҳот иқдом гирифтанд, ки дар заминҳои солҳо бекорхобидаи ин мавзеъ кишти зироати кишоварзиро ба роҳ монанд, хабар медиҳад АМИТ “Ховар” бо истинод ба маркази матбуоти раиси ноҳияи Фархор.
Иҷрокунандаи вазифаи раиси ноҳияи Фархор Зариф Назирӣ дар Ҷамоати деҳоти Хутан аз ҷараёни корҳои ободониву бунёдкорӣ ва навсозии канали «Кокул-2» боздид намуд.
Дар ин ҷамоат барои аз нав ба гардиши кишоварзӣ ворид намудани заминҳои солҳои зиёд бекорхобида, ки дар ин қитъаҳо солҳои пешин пахта, шолӣ ва дигар зироати кишоварзӣ кишту парвариш карда мешуд, барқароркунии канал ҷараён дорад.
Ба иттилои масъулин, бо пурра хароб шудани канали «Кокул-2» 1400 гектар замине, ки кишту кор карда мешуд, аз гардиши кишоварзӣ монд. Айни замон дар ин мавзеъ аз ҳисоби тоза кардани канали обпартои дохили хоҷагӣ корҳои заминӣ ва барқарорсозии қисмати харобгаштаи соҳили дарёи Сурхоб бо вусъат идома дошта, баъд аз барқарорсозии он дар ҳудуди деҳоти Хутан обёрии беш аз даҳҳо гектар замини кишт беҳтар мегардад.
Навсозии канали «Кокул-2» дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати ба гардиши кишоварзӣ ворид намудани заминҳои дашти Кокул ва дар ин замина таъсиси беш аз ду ҳазор ҷойи кор роҳандозӣ шудааст.
Тибқи нақшаи мақомоти иҷроияи ҳокимияти давлатӣ, дар ин мавзеъ бояд дар оянда пахтакорӣ, шоликорӣ ва дигар бахшҳои соҳа аз нав ба роҳ монда шаванд, ки ин тадбир ба пешрафти вазъи иқтисодӣ, ташкили ҷойҳои корӣ ва афзоиши ҳаҷми истеҳсоли маҷмӯи маҳсулоти кишоварзӣ мусоидат менамояд.
АКСҲО: маркази матбуоти раиси н. Фархор
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
