ЧЕМПИОНАТИ CAFA-2022 ОИД БА ФУТЗАЛ. Дастаҳои мунтахаби занонаи Тоҷикистон ва Қирғизистон нахустбозиро мусовӣ анҷом доданд
ДУШАНБЕ, 22.01.2022 /АМИТ «Ховар»/. Дар Маҷмааи универсалии варзишии Душанбе 21 январ чемпионати Ассотсиатсияи футболи Осиёи Марказӣ (CAFA) оид ба футзал миёни дастаҳои мунтахаби занона оғоз гардид. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Дар оғози мусобиқот дастаи занонаи Тоҷикистон таҳти раҳбарии сармураббӣ Шамшод Ниятбеков бо дастаи Қирғизистон бо ҳисоби 1:1 бозиро мусовӣ анҷом дод. Дастаи мо ба голи Бактигул Токтоболотова бо зарбаи дақиқи Мадина Фозилова аз ҷаримаи даҳмерта посух дод. Футзалбозони тоҷик метавонистанд дар ин бозӣ ғолиб оянд, аммо дар анҷоми вохӯрӣ капитани даста Мадина Фозилова ду маротиба зарбаи ҷаримавии даҳметраро ба самар расонида натавонист.
Дар бозии дигари рӯзи аввали чемпионати CAFA-2022 дастаи Эрон аз дастаи Узбакистон пурқувваттар буда, ҳисоби бозӣ ба 5:2 баробар шуд.
Имрӯз, 22 январ, бозиҳои даври дуюми мусобиқоти чемпионати CAFA-2022 оид ба футзал миёни дастаҳои мунтахаби занона баргузор мешаванд. Соати 15:00 вохӯрии дастаҳои мунтахаби Қирғизистону Узбекистон ва соати 18:00 дастаҳои Тоҷикистон ва Эрон вомехӯранд.
Қобили зикр аст, ки нахустин Чемпионати футзали занони CAFA-2022 аз рӯи системаи дудаврӣ баргузор шуда, дар он ҳар даста шаш бозӣ анҷом медиҳад. Дастаи ғолиб аз рӯи шумораи бештари холҳо муайян карда мешавад.
АКСҲО: ФФТ
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
