ЧЕМПИОНАТИ ОСИЁ ОИД БА БОКС: Ҳафт варзишгари тоҷик барои медали тилло талош доранд

Январь 28, 2022 11:00

ДУШАНБЕ, 28.01.2022. /АМИТ «Ховар»/. 7 нафар варзишгари тоҷик дар Чемпионати Осиё оид ба бокс миёни ҷавонони то 22-сола, ки дар шаҳри Тошканди Ҷумҳурии Узбекистон баргузор гардид, барои ба даст овардани медали тилло талош доранд. Даври финалии Чемпионат 29 январ дар назар аст, иттилоъ медиҳад АМИТ «Ховар» бо истинод ба Кумитаи миллии олимпии Тоҷикистон.

Дар муҳорибаҳои даври нимфинали Чемпионати Осиё оид ба бокс миёни ҷавонони то 22-сола, ки дар шаҳри Тошканди Ҷумҳурии Узбекистон баргузор гардид, 4 варзишгари тоҷик медали биринҷӣ ба даст оварданд.

Дар даври нимфинал миёни бонувон Сумайя Қосимова (-48кг) бе муҳориба пирӯз шуд. Ҳарифаш аз Ҷопон Ҳикару Като аз сабқат даст кашид. Варзишгарони дигарамон миёни бонувон – Малика Нозимова ва Ҳусния Холова аз ҳарифонашон шикаст хӯрда, сазовори медали биринҷӣ гардиданд.

Миёни мардҳо Акбаралӣ Абдураҳмонзода дар вазни -51кг, Абдумалик Болтаев  дар вазни -75кг, Некрӯз Салимов дар вазни 80кг ва Шаҳбоз Ҳайитов дар вазни 86кг барои ба даст овардани медали тилло талош мекунанд. Хусравхон Раҳимов дар вазни 57кг ва Расул Аҳадов дар вазни 67кг дар нимфинал мағлуб шуда, медали биринҷӣ ба даст оварданд.

Дар Чемпионати Осиё оид ба бокс миёни ҷавонони то 22-сола 190 варзишгар аз 12 давлати қора иштирок доранд.

Муҳорибаҳои финалӣ бо иштироки намояндагони Тоҷикистон:

29 январ
48кг – Сумайя Қосимова – Фарзона Фозилова (Узбекистон)
51кг – Акбаралӣ Абдураҳмонзода – Муҳаммадқодир Мамирҷонов (Узбекистон)
75кг – Абдумалик Болтаев – Абдулазиз Абдупаттаев (Узбекистон)
80кг – Некрӯз Салимов – Ҷасурбек Юлдошев (Узбекистон)
86кг – Шаҳбоз Ҳаитов – Тимур Мирҷонов (Узбекистон)
92кг – Давлат Болтаев – Рустам Урусбек уулу (Қирғизистон)
+92кг – Муҳаммад Аброриддинов – Ҷаҳонгир Зокиров (Узбекистон)

АКС аз Кумитаи миллии олимпии Тоҷикистон

Январь 28, 2022 11:00

Хабарҳои дигари ин бахш

Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд
Дастаҳои мунтахаби наврасони Тоҷикистон ва Русия ду бозии дӯстона анҷом доданд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Ҳиндустон ва Қирғизистон бозиҳои дӯстона анҷом медиҳад
Дар Истанбул бахшида ба Рӯзи ҷаҳонии футбол барои донишҷӯёни тоҷик мусобиқа доир карда шуд
Дастаи мунтахаби наврасони Тоҷикистон (U-16) дар Ҳисор бо дастаи Русия бозиҳои дӯстона анҷом медиҳад
Рақибони мунтахаби футзали Тоҷикистон дар марҳилаи интихобии Ҷоми Осиё-2026 рӯзи 26 июн маълум мешаванд
Рақибони дастаи мунтахаби олимпии Тоҷикистон (U-23) дар мусобиқоти интихобии Ҷоми Осиё-2026 муайян шуданд
Тоҷикистонро дар Чемпионати ҷаҳон оид ба гӯштини ҷудо 9 паҳлавон муаррифӣ мекунад
Дастаи мунтахаби Тоҷикистон барои анҷоми бозии дӯстона бо дастаи Камбоҷа вориди шаҳри Пномпен шуд