COVID-19. Кормандони мақомоти иҷроияи ҳокимияти давлатии ноҳияи Исмоили Сомонӣ аз реваксинатсия* гузаштанд
ДУШАНБЕ, 11.01.2022. /АМИТ «Ховар»/. Имрӯз бо мақсади пешгирӣ намудан аз бемориҳои сироятӣ, хусусан бемории сироятии COVID-19 кормандони мақомоти иҷроияи ҳокимияти давлатии ноҳияи Исмоили Сомонии шаҳри Душанбе аз реваксинатсия* гузаштанд.
Тавре муовини раиси ноҳияи Исмоили Сомонии пойтахт Наргис Шарифзода дар суҳбат бо хабарнигори АМИТ «Ховар» изҳор дошт, «имрӯзҳо паҳншавии навъи дигари коронавирус-«омикрон» ҷомеаи ҷаҳониро ба ташвиш овардааст. Ҳарчанд ин навъи беморӣ дар кишвари мо ба қайд гирифта нашудааст, аммо мо набояд нисбат ба саломатии худ ва атрофиён фориғболӣ зоҳир намоем. Ҳадаф аз амали мазкур баланд бардоштани масунияти бадан мебошад, ки қобилияти мубориза бурдан бо ин беморӣ мебошад».
Ёдовар мешавем, ки тибқи тавсияи табибон онҳое, ки қаблан ба бемории коронавирус гирифтор шудаанд ва ё бар зидди он эм карданд, бояд аз реваксинатсия гузаранд.
Ба гуфтаи табиб ва ровии телевизиони рус Александр Мясников, дар марҳилаи аввал чунин афрод бояд ду маротиба ваксина гиранд. Пас аз 21 рӯзи вояи якуми ваксина вояи дуюм ворид карда мешавад. Вақте бори якум ваксина гузаронида мешавад, бадан бо вирус «шинос» мегардад. Дар ҳолати такроран ваксина кардан дар организм якбора миқдори зиёди подтанҳо пайдо гардида, масуният пурқувват мешавад. Ин масуният то 6 моҳ қобилияти мубориза бурдан бо ин бемориро дорад. Пас аз 6 моҳ масуният паст мегардад ва дар ин ҳолат зарурати гузаронидани реваксинатсия ба миён меояд.
Қаблан табиби тоҷик, профессори кафедраи микробиология, иммунология ва вирусологияи Донишгоҳи давлатии тиббии Тоҷикистон ба номи Абӯалӣ ибни Сино Саидбек Сатторов низ дар суҳбат бо хабарнигори АМИТ «Ховар» зарурати аз реваксинатсия гузаштанро изҳор дошта буд. Ӯ ба шаҳрвандони Тоҷикистон тавсия дод, ки ҳар шаш моҳ як маротиба аз реваксинатсия гузаранд.
«Аз он шурӯъ мекунем, ки роҳи асосии пешгирии COVID-19 ваксинатсия мебошад, — гуфт ӯ. — Ваксина аввал бояд ба одамоне гузаронида шавад, ки аз COVID-19 сироят наёфтаанд, зеро эҳтимоли сироят ёфтани онхо ба COVID-19 бештар аст».
Ба гуфтаи ӯ, дар марҳилаи аввал чунин афрод бояд ду маротиба ваксина гиранд. Пас аз 21 рӯзи вояи якуми ваксина вояи дуюм ворид карда мешавад. Вақте бори якум ваксина гузаронида мешавад, бадан бо вирус «шинос» мегардад. Дар ҳолати такроран ваксина кардан дар организм якбора миқдори зиёди подтанҳо пайдо гардида, масуният пурқувват мешавад. Ин масуният то 6 моҳ қобилияти мубориза бурдан бо бемориро дорад. Пас аз 6 моҳ масуният паст мегардад ва дар ин ҳолат зарурати гузаронидани реваксинатсия ба миён меояд.
Касоне, ки ба ин беморӣ гирифтор шудаанд, дар онҳо табиатан сатҳи баланди масуният пайдо мешавад. Ва ин масуният то 6 моҳ қобилияти муҳофизат кардан дорад. Аз ин рӯ, пас аз 6 моҳи беморӣ ин нафар бояд аз нав ваксина карда шавад.
Ба гуфтаи мудири кафедраи ДДТТ Саидбек Сатторов, бо сабаби вазъи кунунии бошиддат паҳншавии ин вирус дар кишварҳои хориҷӣ ва сатҳи баланди бемории COVID-19 эҳтимоли аз хориҷи кишвар ворид шудани ин беморӣ ба Тоҷикистон вуҷуд дорад. «Аз ин рӯ, хуб мешуд, ки аҳолии мо ба ном «вояи бустерн»*-ро гиранд, яъне то ба охир расидани пандемия ҳар 6 моҳ такроран аз ваксинатсия гузаранд», — гуфт ӯ.
_________________
*Реваксинатсия – тадбирҳои вобаста ба таҳким додани масунияте, ки баъди ваксинатсияи гузашта ҳосил шудаанд.
АКСҲО аз мақомоти иҷроияи ҳокимияти давлатии ноҳияи Исмоили Сомонии шаҳри Душанбе
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
