Дар Бохтар маҷлиси КИ ҲХДТ дар вилояти Хатлон оид ба ҷамъбасти натиҷаҳои фаъолият ва вазифаҳои оянда доир шуд

Январь 24, 2022 08:55

ДУШАНБЕ, 24.01.2022. /АМИТ «Ховар»/. 22 январ дар Кохи фарҳанги шаҳри Бохтар маҷлиси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба ҷамъбасти натиҷаҳои фаъолият дар соли 2021 ва вазифаҳо барои соли 2022 баргузор гардид. Дар доираи маҷлис ҳамзамон нақшаи чорабиниҳо оид ба Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тасдиқ гардид, ки дар доираи он татбиқи маҷмӯи чорабиниҳо пешбинӣ шудааст, хабар доданд  аз шуъбаи иттилоот ва матбуоти КИ ҲХДТ дар вилояти Хатлон ба АМИТ «Ховар».

Дар маҷлис муовини Раиси ҲХДТ Асрор Латифзода, узви раёсати Кумитаи Иҷроияи ҲХДТ, Раиси вилояти Хатлон Қурбон Ҳакимзода, аъзои Кумитаи иҷроияи вилоятӣ-раисони шаҳру ноҳияҳои вилоят, ҳамчунин мудирони шуъбаҳои кумитаҳои иҷроияи ҲХДТ дар шаҳру ноҳияҳо, раисони ташкилоти ибтидоии ҳизбии шаҳру ноҳияҳои Бохтар, Кӯшониён, Вахш, Левакант, аъзои ТҶҶ «Созандагони Ватан» ва намояндагони ВАО иштирок намуданд.

Вобаста ба ҷамъбасти натиҷаҳои фаъолият дар соли 2021 ва вазифаҳо барои соли 2022 раиси Кумитаи иҷроияи ҲХДТ  дар вилояти Хатлон Қиёмиддин Миралиён сухан гуфт. Аз ҷумла, иброз гардид, ки сохторҳои ҳизбии вилоят дар ҳошияи татбиқи дастуру ҳидоятҳои Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон дар давраи солҳои 2018-2021   25 ташаббуси созандаро амалӣ карданд. Аз ҷумла, зери уновни «Якҷоя месозем!» аксияи ҳизбӣ эълон намуда, дар баробари татбиқи чорабиниҳои идеологӣ, сокинон ва аъзои фаъоли ҳизбро ба ташкили корҳои ободонию созандагӣ равона намуданд.   Роҳсозӣ  тариқи ҳашар — сангфаршкунӣ, мумфаршкунӣ, ниҳолшинонӣ, сохтмони биноҳои маъмурии ҳизбӣ, тозакунии муҳит ва оромгоҳҳо, навсозии иншооти гигиенӣ, таъмиру сохтмони мактабҳо, пешбурди идеяи “Мактаби сиёсии Пешвои миллат”, ташаккули идоракунии электронӣ ва рейтинги ҳизбӣ ҳамчунин аз ҷумлаи корҳои созандаи аъзои ҳизби Хатлон мебошанд.

Зимнан, дар маҷлис ба ҳайати ҲХДТ дар вилояти Хатлон тағйирот ворид карда шуд. Чанд нафар бинобар сабаби иваз кардани макони зист, берун рафтан аз ҳудуди вилоят, надоштани робита бо сохторҳои ҳизбии вилоят аз узвияти кумита бароварда шуда, ба ҷойи онҳо шахсони дигар қабул гаштанд.

Узви Раёсати Кумитаи Иҷроияи Марказии ҳизб, Раиси вилояти Хатлон Қурбон Ҳакимзода иброз дошт, ки дар вилоят саҳми фаъолони  ҲХДТ дар таҷлили сазовори 30-солагии Истиқлолияти давлатӣ хеле арзанда мебошад. Дар ин радиф раиси вилоят аз чанд ташаббуси созандаи ҳизбиёни вилоят, ки дар доираи онҳо мардум сарҷамъона баҳри ҳалли мушкилоти ҷомеа камар бастаанд, ёдовар гашт.

Ҳамчунин муовини Раиси ҲХДТ  Асрор Латифзода оид ба муҳимтарин дастовардҳое, ки дар даврони Истиқлолияти давлатӣ бо саҳми аъзои фаъоли ҳизб ба даст омаданд, сухан гуфт. Аз ҷумла иброз дошт, ки дар доираи ин ҷашни фархунда ва дастуру ҳидоятҳои Раиси Ҳизби Халқии Демократии Тоҷикистон муҳтарам Эмомалӣ Раҳмон Кумитаи иҷроияи ҲХДТ дар вилояти Хатлон тавонист ба комёбиҳои назаррас мушарраф гардад.

Чанд субъекти пешсаф, тибқи рейтинги ҳизбӣ, аз ҷониби Кумитаи Иҷроияи Марказии ҲХДТ  ва Раёсати Кумитаи иҷроияи ҲХДТ дар вилояти Хатлон бо Ифтихорнома ва сипосномаҳои ҳизбӣ қадрдонӣ шуданд. Зимнан, дар вазъияти тантанавӣ озмуни “Обуна-2022 ба нашрияи “Ҳамрози халқ” ” низ ҷамъбаст гардид, ки дар он дастаи Кумитаи иҷроияи Ҳизби Халқии Демократии Тоҷикистон дар ноҳияи Носири Хусрав ғолиби ҷойи якум, ноҳияи Темурмалик ҷойи дуюм ва ноҳияи Балҷувон сазовори ҷойи сеюм дониста шуда, бо мукофоти Кумитаи иҷроияи Ҳизби Халқии Демократии Тоҷикистон дар вилояти Хатлон сарфароз гардонида шуданд.

 

                                                      АКСҲО аз КИ ҲХДТ  дар вилояти Хатлон

Январь 24, 2022 08:55

Хабарҳои дигари ин бахш

Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд