Дар Левакант занону духтарон ба курсҳои кӯтоҳмудати касбомӯзӣ ҷалб шуданд
ДУШАНБЕ, 25.01.2022 /АМИТ «Ховар»/. Дар шаҳри Левакант зимни баргузории ярмаркаи ҷойҳои корӣ ва вазифаҳои озод 21 нафар шаҳрвандони бекор ва занону духтарони хонанишин барои ба таври ройгон омӯхтани касбу ҳунар дар курсҳои кӯтоҳмудати касбомӯзӣ бо ихтисосҳои «дӯзандагӣ», «қаннодӣ» ва «кафшергари барқӣ» номнавис гардиданд, хабар доданд дар Кумитаи кор бо занон ва оилаи назди Ҳукумати Ҷумҳурии Тоҷикистон ба АМИТ «Ховар».
Шуъбаи Агентии меҳнат ва шуғли аҳолии шаҳри Левакант дар якҷоягӣ бо мақомоти иҷроияи ҳокимияти давлатии шаҳри Левакант ва дигар ташкилоту муассисаҳои шаҳр, ки дар онҳо ҷойҳои корӣ мавҷуд мебошанд, дар нази бозори марказии шаҳр ярмаркаи ҷойҳои корӣ ва вазифаҳои озод ба роҳ монд.
Дар ярмарка 8 ташкилоту корхона 102 ҷойи кори холӣ ва вазифаҳои озодро ба шаҳрвандони корҷӯй пешниҳод намуданд.
Дар ҷараёни ярмарка 124 нафар шаҳрвандон иштирок намуданд ва ба 12 нафар барои бо ҷойи кор таъмин шудан тавсиянома дода шуд. Аз ин шумора 11 нафари онҳо дар ташкилоту корхонаҳои шаҳр бо ҷойи кор таъмин шуданд.
Ҳамзамон дар ярмарка намояндаи бахши муҳоҷират дар шаҳр низ иштирок намуда, бо корҷӯёне, ки вурудашон ба Федератсияи Русия манъ аст, оид ба санҷиши шиносномаҳо суҳбат намуда, ба таври ройгон шиносномаҳояшонро аз санҷиш гузаронид.
Зикр шуд, ки шуъбаи Агентии меҳнат ва шуғли аҳолии шаҳри Левакант имкон дорад шахсони бекорро ба курсҳои кӯтоҳмуддати касбомӯзӣ вобаста ба хоҳишашон қабул намояд. Курсҳои кӯтоҳмуддат ройгон пешниҳод шуда, идрорпулӣ низ доранд.
АКСҲО: Кумитаи кор бо занон ва оилаи назди ҲҶТ
Дар шаҳри Турсунзода байни духтарон эстафетаи футбол, машқҳои шавқовар ва озмунҳои гуногун доир карда шуд
Намояндагони воситаҳои ахбори омма бо натиҷаҳои татбиқи лоиҳаҳои Барномаи рушди СММ дар вилояти Суғд шинос мешаванд
Имрӯз дар водиҳои Тоҷикистон ҳаво то 39 дараҷа гарм мешавад
Хадамоти назорати давлатии бехатарии корҳо дар саноат ва соҳаи кӯҳкорӣ оид ба риояи талаботи бехатарии саноатӣ машварат доир намуд
Имрӯз дар шаҳри Душанбе ҳаво то 34 дараҷа гарм мешавад
Дар ноҳияҳои Панҷ, Фархор ва Ҳамадонӣ раванди корҳои соҳилмустаҳкамкунӣ пурзӯр карда мешаванд
Имрӯз дар водиҳои Тоҷикистон ҳаво то 37 дараҷа гарм мешавад
Дар Душанбе бо иштироки муовини Сарвазири Тоҷикистон оид ба пешгирии талафот ва истифодаи ғайриқонунии неруи барқ ҷаласа доир шуд
Имрӯз дар шаҳри Душанбе рӯзона ҳаво то 35 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
Аҳамияти ҳуқуқии таъсиси Ҷоизаи байналмилалии Президенти Тоҷикистон дар соҳаи об. Назари коршинос дар ин хусус
