Дастаи ноҳияи Ашт дар Мусобиқаи ҷумҳуриявӣ оид ба волейбол ҷои аввалро соҳид гардид

ДУШАНБЕ, 02.01.2022 /АМИТ «Ховар»/.  Дастаи ноҳияи Ашти вилояти Суғд дар Мусобиқаи ҷумҳуриявӣ оид ба волейбол миёни деҳаҳо ва маҳаллаҳои аҳолинишини шаҳру ноҳияҳои кишвар ҷои аввалро соҳид гардид. Дар ин бора аз Мақомоти иҷроияи ҳокимияти давлатии ноҳияи Ашт ба АМИТ «Ховар» хабар доданд.

Мусобиқаи ҷумҳуриявӣ оид ба волейбол миёни деҳаҳо ва маҳаллаҳои аҳолинишини шаҳру ноҳияҳои кишвар бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 30-солагии Истиқлолияти давлатии Ҷумҳурии Тоҷикистон ​ баргузор гардид,

Дар даври ниҳоии мусобиқа дастаҳои ғолиби даври вилоятии вилоятҳо ва шаҳру навоҳии тобеи марказ миёни ҳам рақобат намуданд.

Дар фарҷоми мусобиқа ба ғолибон медал, диплом, мукофотпулӣ ва Ҷоми мусобиқа супорида шуд.

 АКС аз МИҲД н.Ашт