«ЛАЪЛИ ЛАБАТ». Таронаи маъруфи Кароматулло Қурбонов дар шоми мусиқии оҳангҳои мардуми кишварҳои СҲШ садо дод

Январь 14, 2022 11:00

ДУШАНБЕ, 14.01.2022 /АМИТ «Ховар»/. Чанде қабл дар Тошканд шоми  мусиқии оҳангҳои мардуми кишварҳои узви Созмони ҳамкории Шанхай дар иҷрои асбобҳои мардумии узбекӣ баргузор шуд. Тавре АМИТ «Ховар» хабар додааст, дар ин бора дафтари матбуоти Маркази дипломатияи мардумии СҲШ дар Узбекистон иттилоъ додааст.

Ба гуфтаи сардори департаменти Маркази дипломатияи мардумӣ (МДМ) Фазлиддин Утбосаров, мусиқӣ ҷузъи ҷудонашавандаи фарҳанги суннатии ҳар миллат ё қавми сайёраи мо мебошад. Офаридаҳои даҳанакии халқ, суруд ва асбобҳои мусиқии он хусусияти хоси ин ё он миллатро муайян мекунанд.

«Асоси мусиқиро чунин ниятҳои наҷиб, монанди инкишофи минбаъдаи эҳтироми байниҳамдигарии халқҳо, пос доштани сарвати маънавӣ, бо роҳи мубодилаи афкор ва таҷриба ба сулҳу осоиш расидани мардум ташкил медиҳанд. Яке аз ҳадафҳои СҲШ дар Узбекистон нигоҳ доштани рӯҳияи ваҳдат ва ҳамбастагии кишварҳои гуногун тавассути мусиқӣ мебошад. Ансамбли асбобҳои халқии «Ассалом» таҳти роҳбарии устоди маъруфи кишварамон Абдухалил Исоев ин иқдомро моҳирона амалӣ намуд, — гуфт ӯ.

Дар шоми мусиқӣ оҳангҳои мардумии ҳашт кишвари узви СҲШ – Ҳиндустон, Қазоқистон, Чин, Қирғизистон, Покистон, Русия, Тоҷикистон ва Узбекистон садо доданд. Аз ҷумла, беҳтарин оҳангҳои мардумӣ аз филмҳои ҳиндии «Овора» ва «Раққоси диско», мусиқии мардумии қазоқ «Мусиқии рӯҳ», мусиқии мардумии Чин «Император», мусиқии мардумии қирғиз «Тумарим», мусиқии мардумии Покистон «Рақс» интихоб шуданд. Оҳангҳои машҳури русии «Смуглянка», «Катюша», «Калинка» ва «Майдасавдогарон», мусиқии халқии тоҷикии «Лаъли лабат», инчунин оҳанги халқии узбекии «Мусиқии идона» аз ин ҷумлаанд.

«Бешубҳа, ин оҳангҳо дар қалби шунавандагон эҳсоси гарм бедор намуда, ба дарки беҳтари санъат ва фарҳанги мусиқии халқҳои кишварҳои узви СҲШ мусоидат намуда, муносибатҳои дӯстона ва неки ҳамсоягии кишварҳоро таҳким мебахшанд», — омадааст дар паём.

                                  АКС: шуъбаи матбуоти КМ СҲШ дар Тошканд

Январь 14, 2022 11:00

Хабарҳои дигари ин бахш

«Ҳуҷҷати барномавӣ ва ормонҳои миллӣ»,-шарҳи матбуоти даврии Тоҷикистон
Филми коргардони тоҷик дар Фестивали байналмилалии Голливуд соҳиби ҷоизаи «Беҳтарин кори коргардонӣ» гардид
Муҳаммади Шарифзода дар Бозиҳои 15-уми делфии ҷавонони кишварҳои узви ИДМ сазовори ҷои якум гардид
Тахмина Абдуалиева ва Фирӯза Ғаниева – ғолибони Озмуни ҷумҳуриявии «Мураббии соли Тоҷикистон– 2021»
Дар Осорхонаи миллии Тоҷикистон намоиши мусаввирони асрҳои 16 ва 18-и Аврупои ғарбӣ ифтитоҳ гардид
Китоби «Забони тоҷикӣ» дар асоси Қоидаҳои нави имлои забони тоҷикӣ нашр шуд
МАҶАЛЛАИ «МАОРИФИ ТОҶИКИСТОН» 30-СОЛА ШУД. Бахшида ба ин дар Душанбе ҷамъомад баргузор гардид
Дар Кӯлоб ғолибони озмунҳои ҷумҳуриявиро ҳавасманд намуданд
Дар Душанбе Озмуни ҷумҳуриявии «Мураббии соли Тоҷикистон – 2021» оғоз ёфт
Шафақ Фаррухзод, раиси Ҷамъияти фарҳангии тоҷикони Фаронса: «Мо ифтихор дорем, ки намоишгоҳи «Тоҷикистон — кишвари дарёҳои тиллоӣ» аврупоиҳоро бо фарҳанги бостониямон шинос кард»
«ИНЪИКОСИ СОХТМОНИ НЕРУГОҲҲОИ ҶУМҲУРӢ ДАР АСАРҲОИ РАССОМОНИ ТОҶИКИСТОН». Таҳти ин унвон дар Осорхонаи миллӣ намоиш ифтитоҳ гардид
«БЕҲТАРИН ПЕДАГОГ-2021». Омӯзгори тоҷик дар озмуни байналмилалӣ бо дипломи дараҷаи III ва медал сарфароз гардонида шуд

Хабарҳои муҳимтарин

Маводҳои таҳлилӣ