Қоидаҳои вуруд ба Ҷумҳурии Узбекистон тибқи тартиби нав ҷорӣ мегарданд

Январь 14, 2022 09:00

ДУШАНБЕ, 14.01.2022 /АМИТ «Ховар»/. Мувофиқи қарори Комиссияи махсуси ҷумҳуриявии мубориза бо коронавирус дар Узбекистон аз 15 январи соли равон қоидаҳои вуруд ба ин кишвар тибқи тартиби нав ҷорӣ мегарданд, иттилоъ медиҳад АМИТ «Ховар» бо истинод ба маркази матбуоти Фурудгоҳи байналмилалии Душанбе.

Тибқи тартиби нав:

— шаҳрвандоне, ки аз кишварҳои хориҷӣ меоянд, бояд ПСР-тести манфии сироят аз коронавирус дошта бошанд, ки на дертар аз 48 соат то расидан ба Ҷумҳурии Узбекистон дода шудааст;

— дар сурати надоштани ПСР-тести манфии сироят аз коронавирус супурдани экспресс-тест дар фурудгоҳ, вокзал ва гузаргоҳҳо дар марз талаб карда мешавад.

Гуфта мешавад, ки моҳи декабри соли 2021 низ мақомоти Узбекистон талаботи марбут ба карантинро барои шаҳрвандони якчанд  кишварҳои хориҷӣ сангинтар карда буданд.

Он замон шаҳрвандони ба Узбекистон аз хориҷа воридмешуда уҳдадор шуда буданд, ки бояд бо худ гувоҳнома (сертификат) бо натиҷаи манфии ПСР-тест ба сирояти коронавирус дошта бошанд, ки на дертар аз 72 соат то замони расидан дода шудааст.

Ҳамчунин иттилоъ дода шуд, ки мусофироне, ки ба қаламрави Узбекистон аз Австралия, Австрия, Белгия, Британияи Кабир, Олмон, Дания, Исроил, Италия, Нидерланд, Чехия ва Миср ворид мешаванд, бояд ба муддати 10 рӯз ба карантин фаро гирифта шаванд ё 10 рӯзро аз ҳисоби худ дар меҳмонхона гузаронанд.

Ёдовар мешавем, ки дар Ҷумҳурии Узбекистон штамми нави «омикрон»-и коронавирус ба қайд гирифта шуда, пурзӯр кардани чораҳои пешгирӣ ва ба карантин фаро гирифтани шаҳрвандон ба он марбут аст.

АКС аз манбаъҳои боз

Январь 14, 2022 09:00

Хабарҳои дигари ин бахш

ШИНОСНОМААТОНРО ИВАЗ КАРДЕД? Шаҳрвандони Тоҷикистон бояд то 15 феврал шиносномаашонро бо намунаи соли 2014 иваз намуда, симкортҳои худро дар ширкатҳои мобилӣ аз нав ба қайд гиранд
ОГОҲИИ АГЕНТИИ ОБУҲАВОШИНОСӢ: Дар Тоҷикистон бориши борон ва барфи зиёд дар назар аст
IRS: Бо вуҷуди бориши шадиди барф дар роҳи мошингарди Душанбе-Чанок ҳаракати воситаҳои нақлиёт таъмин аст
Толибон* профессори қаблан боздоштшудаи Донишгоҳи Кобулро озод намуданд
ЗИҲӢ, ШОИР! Муовини раиси Иттифоқи нависандагони Тоҷикистон Ато Мирхоҷа рӯихотирбиниро сабаби дар Бадахшон беҷазо мондани одамони ҷинояткор номид
Дар Суғд бахшида ба Рӯзи кормандони Агентии назорати давлатии молиявӣ ва мубориза бо коррупсия ҷамъомади тантанавӣ доир шуд
Дар Вазорати нақлиёт озмунҳои соҳавӣ ҷамъбаст ва ғолибон қадрдонӣ шуданд
ҲУШДОРИ АГЕНТИИ ОБУҲАВОШИНОСӢ: Дар роҳҳо аз туман ва яхбандӣ эҳтиёт шавед
COVID-19: ДАР УЗБЕКИСТОН ШТАММИ «ОМИКРОН» ОШКОР ШУД. Дар кишвар чораҳои карантинӣ дубора пурзӯр карда шуданд
КҲФ ва МГ дар ноҳияи Балҷувон барои пешгирии офатҳои табиӣ корҳои таблиғотӣ гузаронид
Риояи қатъии қоидаҳои беҳдоштӣ хатари бемории зукомро кам мекунад
БЕҲТАРИНИ БЕҲТАРИНҲО. Шумораи гирандагони стипендияи Президентӣ ба 3000 нафар расонида шуд

Хабарҳои муҳимтарин

Маводҳои таҳлилӣ