«ПРОТОКОЛҲОРО МЕБОЯД ҚАТЪИЯН РИОЯ НАМУД!». Раиси Кумитаи давлатии амнияти миллии Тоҷикистон Саймумин Ятимов даъват намуд, ки дар ҳалли низоъҳо дар марз бояст ба санадҳои меъёрии ҳуқуқӣ эътимод карда шавад

Январь 31, 2022 13:14

ДУШАНБЕ, 31.01.2022 /АМИТ «Ховар»/. Раиси Кумитаи давлатии амнияти миллии Тоҷикистон Саймумин Ятимов зимни нишасти хабарӣ оид ба натиҷаҳои гуфтушунидҳо ба риоя нашудани тавофуқоти  қаблан ҳосилшуда чун омили ба амал омадани муноқишаҳои нав ишора намуд. Суханронии ӯ дар Youtube ҷой дода  шудааст.

«Дур шудан аз санадҳои ҳуқуқӣ, дурӣ ҷустан аз санадҳои имзошуда боиси ихтилоф мегардад», — иброз дошт Раиси Кумитаи давлатии амнияти миллии Тоҷикистон.

Ӯ зикр намуд, ки бояд сабабҳои асосии ихтилофро бартараф ва баъдан аз рӯи моҳияти масъалаҳо қарор қабул намуд.

«Мебояд на бо зуҳурот, балки бо моҳияти масъала пеш рафт ва аз рӯи моҳияти мавзӯъ қарори ниҳоӣ қабул кард. Вақте мо доир ба моҳият сухан мегӯем, манзурамон  мутобиқат бо қонунҳост. Мо дар бораи санадҳои ҳуқуқӣ мегӯем, ки бояд ҳамеша ва бечунучаро риоя карда шаванд. Ва ин санадҳои ҳуқуқӣ бояд дар асоси ризоият ва иродаи тарафайн амалӣ шаванд»,-гуфт генерал-полковник Саймумин Ятимов

Раиси Кумитаи давлатии амнияти миллии Тоҷикистон афзуд, ки ҳангоми ҳалли низоъҳое, ки дар марзи Тоҷикистон ва Қирғизистон ба амал меоянд, ҷонибҳо ба муқаррароти санади бунёдӣ — протоколи солҳои 1924-1927 ва ҳамчунин протоколи баробарҳуқуқи Тоҷикистону Қирғизистон, ки соли 1989 ба имзо расонида шуда буд, инчунин протоколҳое, ки аз ҷониби комиссияи байниҳукуматӣ ба имзо расидаанд, такя мекунанд, ки манфиатҳои ҳарду миллатро инъикос менамоянд.

Зимни музокирот оид ба ҳалли низоъ дар марз ҷонибҳо ба мувофиқа расиданд, ки протоколи №3-и комиссияи байниҳукуматӣ аз 1 майи соли 2021 дар амал татбиқ карда шавад, зикр кард Раиси Кумитаи давлатии амнияти миллии Ҷумҳурии Тоҷикистон.

«Мо ба хулосае омадем, ки дар ҷараёни гуфтушунид бояд ҳуҷҷатҳои асосие, ки дар натиҷаи кори комиссияҳои баробарҳуқуқи мо ба имзо расидаанд, ба назар гирифта шаванд. Мо ба мувофиқа расидем, ки талаботи протоколҳо бояд қатъиян иҷро карда шаванд», — афзуд  Саймумин Ятимов.

«Мо аз рӯи бандҳои имзошудаи ин протокол, ки қаблан эълон шуда буданд, кор хоҳем кард. Расо баъди 8 рӯз комиссияҳои баробарҳуқуқ оид ба масъалаҳои топографӣ ва ҳуқуқӣ ба кор шурӯъ мекунанд. Ин кор бо мақсади ҳалли тамоми масъалаҳои марбут ба делимитатсия ва демаркатсияи сарҳади давлатӣ пайваста анҷом дода мешавад. Ояндаи наздик мо ҷамъ омада, кори ин комиссияҳоро баррасӣ хоҳем кард», —  тазаккур дод ӯ.

Генерал-полковник афзуд, ки ҳарчанд имрӯз оид ба натиҷаҳои мулоқот ҳеҷ санаде ба имзо нарасид, аммо чизҳое ҳастанд, ки аз протокол арзишмандтаранд.

«Мо қавл додем, дасти ҳамдигарро фишурдем, ки ҳар он чизеро, ки мувофиқа ва муҳокима кардем, дар амал татбиқ менамоем. Ин масъалаҳо, бешубҳа манфиатҳои ду халқи бародарро инъикос мекунанд», — таъкид намуд Раиси Кумитаи давлатии амнияти миллии Тоҷикистон.

Ёдовар мешавем, ки раисони кумитаҳои давлатии амнияти миллии Тоҷикистон (КДАМ) Саймумин Ятимов ва Қирғизистон Қамчибек Ташиев дар робита ба муноқишаи мусаллаҳона дар минтақаи наздисарҳадии ду кишвар, ки  27 январ рух дод, гуфтушунид анҷом доданд.

АКС аз бойгонии АМИТ «Ховар»

Январь 31, 2022 13:14

Хабарҳои дигари ин бахш

Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид
САВГАНДИ САДОҚАТ БА ВАТАН. Дар ҷузъу томҳои Артиши миллии Тоҷикистон маросими савгандёдкунии наваскарон оғоз шуд
Дар Хатлон нақшаи даъват ба хизмати Ватан бори аввал пеш аз муҳлат пурра иҷро гардид
ДАЪВАТИ БАҲОРӢ: Дар Хатлон ин чорабинии муҳими сиёсӣ дар марҳилаи анҷомёбӣ қарор дорад
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид