Президенти Қазоқистон эълом дошт, ки тартиботи конститутсионӣ дар кишвар барқарор шуд
ДУШАНБЕ, 07.01.2022 /АМИТ «Ховар»/. Президенти Ҷумҳурии Қазоқистон Қосим-Жомарт Тоқаев эълом дошт, ки тартиботи конститутсионӣ дар тамоми манотиқи кишвар асосан барқарор шуд ва вазъ таҳти назорати мақомоти маҳаллӣ қарор дорад. Тавре АМИТ «Ховар» иттилоъ медиҳад, дар ин бора имрӯз, 7 январ хадамоти матбуоти президенти ин кишвар пас аз ҷаласаи ситоди мубориза бо терроризм хабар дод.
«Амалиёти зиддитеррористӣ оғоз шуд. Неруҳои ҳифзи тартиботи ҷамъиятӣ бо ҷидду ҷаҳд фаъолият доранд. Дар тамоми минтақаҳои мамлакат тартиботи конститутсионӣ асосан баркарор гардид. Вазъ таҳти назорати мақомоти маҳаллӣ қарор дорад. Аммо террористон аз силоҳ истифода бурда, ба моликияти шаҳрвандон зарар мерасонанд. Аз ин рӯ, амалиёти зиддитеррористӣ бояд то пурра нобуд кардани ҷангҷӯён идома ёбад», — изҳор дошт Тоқаев.
Дар ҷаласа ҳамчунин иҷрокунандагони вазифаҳои вазирони корҳои дохилӣ ва мудофиа, раиси Кумитаи амнияти миллӣ низ ширкат доштанд. «Тавре роҳбарони сохторҳои қудратӣ гузориш доданд, воҳидҳои неруҳои муштараки посдори сулҳи СААД барои мусоидат ба барқарорсозии тартибот вориди Қазоқистон шуданд. Ин неруҳо ба муддати маҳдуд барои иҷрои вазифаҳои муҳофизат ва таъмини ҳифзи объектҳои стратегӣ омадаанд», — шарҳ дод хадамоти матбуот.
Президенти Қазоқистон ҳамчунин барои ба эътидол овардани вазъ дар кишвар якчанд амр содир кард.
Имрӯз ӯ ба мардуми Қазоқистон дар робита ба вазъи кишвар муроҷиат мекунад.
АКС: АБИ «Казинформ»
Ба ифтихори Рӯзи Конститутсия дар Прокуратураи генералӣ маҷлиси тантанавӣ баргузор гардид
Дар Исфара нақшаи даъвати тирамоҳӣ пурра иҷро гардид
Ҳайати Тоҷикистон дар Конференсияи байналмилалии Минск оид ба амнияти Авруосиё иштирок намуд
Дар Душанбе ҷаласаи панҷуми Гурӯҳи кории байниидоравӣ оид ба бехатарии партовгоҳҳои саноатӣ баргузор шуд
Дар Прокуратураи генералии Ҷумҳурии Тоҷикистон ҷаласаи навбатии шурои ҳамоҳангсозӣ баргузор гардид
ОГОҲӢ! Аз 4 то 6 ноябр дар баъзе минтақаҳои Тоҷикистон омадани сел пешгӯӣ мешавад
Дар вилояти Хатлон нақшаи даъвати тирамоҳӣ 100 фоиз иҷро гардид
Нақшаи даъвати тирамоҳӣ ба сафи Қувваҳои Мусаллаҳи Ҷумҳурии Тоҷикистон зиёда аз 97 фоиз иҷро шуд
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
