Валентина Матвиенко: Кишварҳои ИДМ амният ва соҳибихтиёрии шарикони худро дифоъ хоҳанд кард
ДУШАНБЕ, 27.01.2022 /АМИТ «Ховар»/. Кишварҳои ИДМ омодаанд амният ва соҳибихтиёрии шариконро дар сурати таҳдид аз берун дифоъ кунанд. Тарве АМИТ «Ховар» иттилоъ медиҳад, дар ин бора дирӯз, 26 январ, раиси Шӯрои Федератсияи Маҷлиси Федералии Русия Валентина Матвиенко изҳори назар намуд.
«Ба назари ман бисёр рамзист, ки ҷаласаи тантанавӣ бахшида ба солгарди таъсиси Ассамблеяи байнипарлумонии ИДМ маҳз дар Алма-Атои Қазоқистон баргузор мешавад. Зеро 30 сол муқаддам дар бораи таъсиси Ассамблеяи байнипарлумонӣ маҳз дар он ҷо созишнома ба имзо расида буд. Фикр мекунам, ин беҳтарин далели пойдории ваҳдати кишварҳои мо ва сол то сол таҳким ёфтани дӯстии халқҳоямон мебошад. Ва агар ногаҳон таҳдиде аз берун ба миён ояд, мо ҳамчун девори пойдор ба ҳифзи амният ва соҳибихтиёрии шариконамон хоҳем истод», — гуфт раиси Шӯрои Федералӣ зимни ифтитоҳи иҷлосияи баҳорӣ.
Ӯ илова намуд, амалиёти посдорони сулҳи СААД, ки аввалҳои соли равон дар Қазоқистон анҷом дода шуд, «инро баръало собит намуд».
Илова бар ин, тавре раиси палатаи болоии парлумони Русия тазаккур дод, соли равон фаъолияти фаъоли байналмилалӣ тавассути Иттиҳоди байнипарлумонӣ, Форуми парлумонии Осиё ва Уқёнуси Ором, Ассамблеяи парлумонии САҲА ва Ассамблеяи парлумонии Шӯрои Аврупо низ ба роҳ монда мешавад.
Ёдовар мешавем, ки ба ҳолати моҳи январи соли 2022 ба ИДМ Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон, Узбекистон ва Туркманистон шомил мебошанд. Ҳамчунин бояд гуфт, ки кишварҳое, ки ба ИДМ дохил мешаванд, дорои мақоми гуногун мебошанд. Ҳамин тариқ, Арманистон, Озарбойҷон, Беларус, Қазоқистон, Қирғизистон, Узбекистон, Тоҷикистон ва Русия узви комилҳуқуқ ба ҳисоб рафта, Туркманистон мақоми узви ассотсиатсияшударо доро мебошад, зеро ният дорад бо кишварҳои ИДМ ва Балтика танҳо равобити дуҷонибаро рушд диҳад. Молдова Оинномаро имзо накардааст ва раванди тасдиқи онро низ нагузарондааст.
АКС аз манбаъҳои боз
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Раиси Маҷлиси намояндагон бо Сафири Чин дар Тоҷикистон вохӯрӣ намуд
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
Раиси Маҷлиси намояндагон Файзалӣ Идизода ба сокинони Рашт нуктаҳои асосии Паёми Президенти Тоҷикистонро шарҳ дод
