«ҶАВОНОН — ПАЙРАВИ ПЕШВОИ МИЛЛАТ». Таҳти ин унвон дар ноҳияи Айнӣ ҳамоиши гирандагони стипендияи президентӣ доир шуд
ДУШАНБЕ, 25.02.2022. /АМИТ «Ховар»/. Имрӯз дар ноҳияи Айнӣ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти унвони «Ҷавонон- пайрави Пешвои миллат» ҳамоиши гирандагони стипендияи президентӣ баргузор гардид, иттилоъ доданд дар бахши таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Дар ҳамоиш раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода ва раиси ноҳияи Айнӣ Муқим Муродзода, ҳамзамон гирандагони стипендияи президентӣ аз шаҳру ноҳияҳои Панҷакент, Айнӣ ва Кӯҳистони Мастчоҳ ширкат варзиданд.
Абдулло Раҳмонзода иброз дошт, ки бо ташаббус ва дастгириҳои пайвастаи Пешвои миллат имрӯз ҷиҳати ҳавасмандгардонии ҷавонони лаёқатманду босавод имтиёзҳои гуногун роҳандозӣ карда шудаанд, ки яке аз ин иқдом таъсиси стипендияҳои президентӣ барои донишҷӯён ва хонандагони муассисаҳои таҳсилоти миёнаи умумӣ, ибтидоӣ ва миёнаи касбӣ буда, ҳоло теъдоди онҳо 3000 ададро ташкил медиҳад.
«Ҳар амали хубе, ки дар овони ҷавонӣ иҷро мешавад, натиҷа ва самараи нек ба бор меорад. Аз ин лиҳоз дар ин айём тарбияи насли ҷавон дар рӯҳияи ватандӯстӣ, инсондӯстӣ ва эҳтироми фарҳангу тамаддуни миллӣ ниҳоят манфиатбахш буда, аз ҳадафҳои асосии Ҳукумати Ҷумҳурии Тоҷикистон маҳсуб мешавад»,- иброз намуд раиси Кумитаи кор бо ҷавонон ва варзиш.
Раиси ноҳияи Айнӣ Муқим Муродзода иқдоми мазкурро барои ҳавасмандгардонии ҷавонони лаёқатманд ва баланд бардоштани сатҳи дониши онҳо натаҷабахш номид.
Дар фарҷоми ҳамоиш ба барандагони стипендияи президентӣ дар соли таҳсили 2021-2022 аз ҷониби раиси Кумита ва раиси ноҳияи Айнӣ шаҳодатнома ва маблағи стипендия супорида шуд.
АКСҲО: Кумитаи кор бо ҷавонон ва варзиши назди Ҳукумати ҶТ
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
