Бахшида ба 29-солагии Қувваҳои Мусаллаҳи Тоҷикистон дар Гулистон миёни афсарону сарбозон маҳфили илмӣ-адабӣ доир шуд
ДУШАНБЕ, 17.02.2022 /АМИТ «Ховар»/. 16 феврал бахшида ба 29-умин солгарди таъсиси Қувваҳои Мусаллаҳи Тоҷикистон дар қисми низомии мақомоти иҷроияи ҳокимияти давлатии шаҳри Гулистон таҳти унвони «Артиши миллӣ – кафили Истиқлоли давлатӣ» миёни афсарону сарбозон маҳфили илмӣ-адабӣ баргузор карда шуд.
Тавре дар Мақомоти иҷроияи ҳокимияти давлатии шаҳри Гулистон ба АМИТ «Ховар» хабар доданд, дар маҳфили илмӣ-адабӣ мудири бахши кор бо ҷавонон ва варзиши шаҳр Аҳлиддин Абдураҳмонов, иҷрокунандаи вазифаи мудири бахши кор бо дин, танзими анъана ва ҷашну маросим Аҳлиддин Тоҷиддинов сухан гуфтанд.
Зикр карда шуд, ки бо кӯшишу ғамхориҳои бевоситаи Президенти Ҷумҳурии Тоҷикистон муҳтарам Эмомалӣ Раҳмон дар оғози солҳои соҳибистиқлолӣ дар вазъияти басо душвор Қувваҳои Мусаллаҳи Ҷумҳурии Тоҷикистон таъсис ёфтанд. Аз замони таъсиси ин ниҳод ҷавонмардони ватандӯст ва бонангу ори кишвар ба сафи он шомил шуда, баҳри ояндаи дурахшони Ватан сарбаландона хизмат намуданд.
Дарвоқеъ, Артиши миллӣ кафили истиқлолияти давлатӣ ва сулҳу ваҳдату ягонагӣ мебошад. Пойдории ҳар кишвар ба артиши устувори он вобастагии амиқ дорад.
Имрӯз Қувваҳои Мусаллаҳи Ҷумҳурии Тоҷикистон ниҳоди эътимодноки халқу миллат гардидаанд. Бедорхобиву заҳмати онҳост, ки имрӯз мардуми сарбаланди мо зиндагии осуда доранд. Хидмат ба халқу Ватан қарзи шаҳрвандии ҳар ҷавонмард аст.
Ҳадафи вохӯрии мазкур аз бедор кардани ҳисси ватандӯстӣ дар замири афсарону сарбозон иборат буд.
Дар фарҷом ба сарбозони фаъол туҳфаҳои хотиравии Мақомоти иҷроияи ҳокимияти давлатии шаҳр супорида шуданд.
АКСҲО: Мақомоти иҷроияи ҳокимияти давлатии ш.Гулистон
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд
Котиби Шурои амнияти Тоҷикистон дар вохӯрии котибони Шуроҳои амнияти кишварҳои ИДМ иштирок намуд
Тоҷикистон ва Қазоқистон ҳамкории ҳуқуқиро тақвият медиҳанд
Дар Вазорати корҳои дохилӣ ба муносибати Рӯзи милитсияи тоҷик ҳамоиши тантанавӣ доир шуд
Дар доираи татбиқи Стратегияи миллии Ҷумҳурии Тоҷикистон оид ба паст кардани хавфи офатҳои табиӣ тадбирҳои муҳим андешида шудаанд
Ба ифтихори Рӯзи Конститутсия дар Прокуратураи генералӣ маҷлиси тантанавӣ баргузор гардид
