Дар Хуҷанд ба шарафи Рӯзи таъсиси Қувваҳои Мусаллаҳи Тоҷикистон ҳамоиши идона доир шуд
ДУШАНБЕ, 20.02.2022 /АМИТ «Ховар»/. Ба муносибати Рӯзи таъсиси Қувваҳои Мусаллаҳи Ҷумҳурии Тоҷикистон бо ибтикори Кумитаи иҷроияи Ҳизби Халқии Демократии Тоҷикистон дар шаҳри Хуҷанд ва Донишгоҳи давлатии ҳуқуқ, бизнес ва сиёсати Тоҷикистон дар қисми низомии Раёсати қӯшунҳои дохилии ВКД ҷамъомади тантанавӣ баргузор шуд, хабар доданд ба АМИТ «Ховар» аз КИ Ҳизби Халқии Демократии Тоҷикистон дар шаҳри Хуҷанд.
Дар ҷамъомад раиси Кумитаи иҷроияи Ҳизби Халқии Демократии Тоҷикистон дар вилояти Суғд Зуфар Исмоилзода, раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Наим Маликисломӣ, ректори Донишгоҳи давлатии хуқуқ, бизнес ва сиёсати Тоҷикистон Муъмин Шарифзода, сардори Раёсати қӯшунҳои дохилии қисми низомӣ Музаффар Ҷабборзода, собиқадорони ҳизб, занҳои фаъол, ҷанговарони интернатсоналист, барқароркунандагони сохти конститутсионӣ, наврасону ҷавонони синни даъватӣ иштирок доштанд.
Раиси Кумитаи иҷроияи Ҳизби Халқии Демократии Тоҷикистон дар вилояти Суғд Зуфар Исмоилзода сарбозонро бо Рӯзи таъсиси Қувваҳои Мусаллаҳи Ҷумҳурии Тоҷикистон табрик намуда, зикр кард, ки «ҳифзи Ватан вазифаи муқаддаси ҳар ҷавонмард маҳсуб мешавад. Аҷдодони мо ин ҳувияти миллиро ҳамеша тарғибу таблиғ менамуданд ва барои озодӣ ва ҳифзи Истиқлоли давлатӣ ҷони худро дареғ намедоштанд. Нишонаи ҷавонмардию ҳимоягарӣ аз ниёгон ба мо мерос буда, муқаддас будани Ватанро аҷдодони мо аз хурдсолӣ ба мо меомӯзонанд, ки он дар хуни мо ҷорист. Бояд дарк намоем, ки хизмати Ватан мактаби ҷавонмардист ва мо дар ин мактаби шуҷоат мардонагӣ меомӯзем, то баҳри ҳифзи хоки поки Ватан омода бошем».
Собиқадори ҳизб Ҳамрохон Атаева аз номи фаъолзанон ва модароне, ки фарзандонашон дар хизматанд, зикр дошт, ки «хизмат ба Ватан шарафи ҷавонмардӣ буда, вазифаи ҷонӣ ва имонии мо – модарон он аст, ки фарзандонамонро дар рӯҳияи ватанпарастиву дӯст доштани обу хоки диёр тарбия кунем». Мавсуф аз иқдомҳои пайвастаи мақомоти иҷроияи ҳокимияти давлатии вилоят ҷиҳати сафарбар намудани волидони наваскарон ба қисмҳои ҳарбии ҳудуди мамлакат истиқбол намуд.
Ба ҳайати шахсии қисми ҳарбӣ аз ҷониби кумиҷроияи шаҳр дар вазъияти тантанавӣ туҳфаҳои хотиравӣ тақдим гардиданд.
Зимни ҳамоиш аз тарафи донишҷӯёни фаъоли Коллеҷи санъати шаҳри Хуҷанд расми чанд нафар сарбозон оҷилан кашида шуда, ба онҳо туҳфа карда шуд. Ба хотири боз ҳам хубтар ҷараён гирифтани чорабинии тантанавӣ аз ҷониби аҳли ҳунари дастаи «Ошёни меҳр»-и Донишгоҳи давлатии ҳуқуқ, бизнес ва сиёсати Тоҷикистон суруду рақсҳои дилнавоз иҷро шуданд.
АКСҲО: КИ ҲХДТ дар Хуҷанд
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
