Дар Кумитаи кор бо ҷавонон ва варзиш бо иштироки афсарзанону ҷавондухтарони ҷузъу томҳои Қувваҳои Мусаллаҳ ҳамоиш доир шуд
ДУШАНБЕ, 19.02.2022. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба 29-солагии Қувваҳои Мусаллаҳи Ҷумҳурии Тоҷикистон бо иштироки афсарзанони мақомоти ҳифзи ҳуқуқ ва сохторҳои қудратии мамлакат дар мавзӯи «Нақши занон дар таҳкими тарбияи ватандӯстии ҷавонон ва ғояҳои арзишҳои миллӣ» ҳамоиш баргузор гардид.
Тавре аз Кумитаи кор бо ҷавонон ва варзиш хабар доданд, мақсад аз баргузории ҳамоиши мазкур талқини ҳисси ватандӯстӣ ва таҳкими ҳувияти миллӣ миёни ҷавонон буда, баргузории он дар дигар қисмҳои ҳарбии ҷумҳурӣ идома дорад.
Дар ҳамоиш муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода, раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, муовини Вазири корҳои дохилии Ҷумҳурии Тоҷикистон Нозим Иброҳимзода, собиқадори соҳа Рафиқа Мӯсоева, шоирони халқии Тоҷикистон Аскар Ҳаким ва Меҳринисо Бобобекова сухан гуфта, аз хизмати содиқонаву софдилонаи хизматчиёни ҳарбӣ, аз ҷумла занону бонувон изҳори сипос карда, ба онҳо дар уҳдадориву масъулияти минбаъдаашон комёбӣ таманно намуданд.
Зикр гардид, ки дар замони соҳибистиқлолӣ саҳми беназири Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон дар устувории пояҳои Артиши миллӣ ва таъмини он бо шароити мувофиқ барои иҷрои уҳдадории конститутсионӣ ва шаҳрвандӣ назаррас аст.
Мафҳуми Ватан ва бузургдошти он аз қадимулайём дар адабиёти ғановатманди тоҷик ҷойгоҳи хосса дорад. Соли 1993 дар солномаи таърихи Ватани мо барои низомиён соли таърихист, зеро бо ташаббусу ибтикори Пешвои миллат Эмомалӣ Раҳмон Қувваҳои Мусаллаҳи Тоҷикистон таъсис дода шуданд. Аз ин рӯ, ҳиссаи Артиши миллӣ дар ҳифзи марзу бум, таъмини амнияти мардум, бунёди давлати демократӣ, ҳуқуқбунёд ва дунявӣ, яъне истиқлолияти давлати тоҷикон ниҳоят бузург аст.
Дар фарҷом ба як гурӯҳ иштирокчиён ва фаъолони ҳамоиш сипоснома ва туҳфаҳо тақдим гардиданд.
АКСҲО: Кумитаи кор бо ҷавонон ва варзиши назди Ҳукумати ҶТ
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
Муассисаҳои таҳсилоти ибтидоӣ ва миёнаи касбӣ ба соли нави таҳсил омода мебошанд
ОГОҲӢ! Аз 29 то 31 август дар баъзе минтақаҳои Тоҷикистон омадани селҳои маҳаллӣ пешгӯӣ мешавад
Самаранокии идоракунии молиявӣ бо намояндагони лоиҳаи Иттиҳоди Аврупо дар Тоҷикистон баррасӣ шуд
ИСТИҚЛОЛИЯТ, ҶАВОНӢ ВА СОЗАНДАГӢ. Дар Душанбе Форуми ҷумҳуриявии ҷавонон баргузор гардид
