ДУШАНБЕРО БА ШАҲРИ САБЗ ТАБДИЛ МЕДИҲЕМ! Дар маҳаллаи Сари Осиё беш аз 450 бех ниҳоли ороишии ҳамешасабз шинонида шуд
ДУШАНБЕ, 23.02.2022 /АМИТ «Ховар»/. Бо ибтикори роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон дар маҳаллаи Сари Осиёи ноҳияи Исмоили Сомонии пойтахт беш аз 450 бех ниҳоли ороишии ҳамешасабз шинонида шуд. Ниҳолҳо зери назорати мутахассисон бо риояи талаботи агротехникӣ шинонида шуда, нигоҳубин ва сари вақт обёрӣ намудани онҳо ба зиммаи масъулини Мақомоти иҷроияи ҳокимияти давлатии ноҳияи Исмоили Сомонӣ вогузор гардид. Дар ин бора ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон тасмим гирифтааст, ки дар ин мавзеъ беш аз 2 ҳазор бех ниҳолҳои ороишӣ шинонида, дар таъмини ободонию шукуфоии пойтахти Ватани азизамон- шаҳри Душанбе ҳисса гузорад.
Кумитаи ҳифзи муҳити зисти назди Ҳукумати Ҷумҳурии Тоҷикистон ташаббуси Мақомоти иҷроияи ҳокимияти давлатии шаҳри Душанберо вобаста ба сарсабзу шукуфон гардонидани пойтахт дастгирӣ намуда, дар беҳдошти муҳити зист ва тақвияти корҳои ободонӣ ва ниҳолшинонӣ саҳм гузошта истодааст.
АКСҲО: Кумитаи ҳифзи муҳити зисти назди Ҳукумати ҶТ
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
