НИШАСТИ МАТБУОТӢ. Эълони Солҳои рушди саноат ба иктишофи конҳои канданиҳои фоиданок замина мегузорад
ДУШАНБЕ, 17.02.2022 /АМИТ «Ховар»/. Солҳои рушди саноат эълон гардидани солҳои 2022-2026 барои мо, кормандони соҳаи геология имконият фароҳам овард, ки дар иктишофи конҳои канданиҳои фоиданок бештар заҳмат кашем, зеро мавриди истифода қарор додани имконоту захираҳои дохилӣ ба рушди соҳаи саноат замина мегузорад. Ҳамзамон бо ин корхонаҳои саноатии мамлакат аз вобастагӣ ба воридоти ашёи хом пурра раҳоӣ ёфта, шароиту имконияти содиротӣ фароҳам оварда мешавад. Ин матлабро Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода имрӯз зимни нишасти матбуотӣ ба хабарнигорон иброз кард.
Ҳамзамон мавсуф афзуд, ки дастоварди назарраси соҳа дар соли сипаригардида — ин бо Қарори Ҳукумати Ҷумҳурии Тоҷикистон қабул гардидани «Барномаи давлатии рушди соҳаи геологияи Ҷумҳурии Тоҷикистон барои солҳои 2021-2030» мебошад.
«Вазифаҳои асосии барномаи мазкур,–гуфт Илҳомҷон Оймуҳаммадзода,- ин муайян намудани самти асосии омӯзиши геологӣ, азнавбарқароркунӣ, истифода ва ҳифзи захираҳои ашёи минералӣ, назорати равандҳои хатарноки геологӣ, омӯзиш ва мониторинги обҳои зеризаминӣ буда, иҷрои масъалаҳои геологӣ дар доираи Стратегияи рушди саноат дар Ҷумҳурии Тоҷикистон барои солҳои 2030 пешбинӣ шудааст. Ин маънои онро дорад, ки ҷиҳати дар амал татбиқ намудани ин имконот бояд тадбир андешем».
Зикр карда шуд, ки соли 2021 аз рӯи лоиҳаи “Кадастри давлатии об” мушоҳидаи реҷавӣ дар 64 обанбори шаҳрҳои Душанбе, Роғун ва ноҳияҳои Файзобод, Данғара, Темурмалик ва Восеъ, мушоҳидаҳои такрорӣ дар 100 обанбор гузаронида шуда, 30 маҳак барои гузаронидани ташхиси химиявӣ гирифта шуд.
Ҳамзамон мутобиқи лоиҳаи “Ҷустуҷӯи обҳои зеризаминӣ бо мақсади таъмин намудани муассисаҳои тандурустӣ, маориф ва иҷтимоӣ” дар ҳудуди деҳаи Шӯроби Искандари шаҳри Ҳисор як пармачоҳ дар жарфи 100 метр, дар ҳудуди ноҳияи Мастчоҳ дар мавзеи обанбори оби нӯшокии ноҳия як пармачоҳ бо ҳаҷми 70,0 м ва дар ноҳияи Бобоҷон Ғафуров -110 м парма карда шуданд.
«Дар давраи ҳисоботӣ 25 пармачоҳи об дар ҳудуди вилояти Суғд тариқи шартнома ба истифода дода шуд. Ҳаҷми корҳо ба 2058 м.т баробар буда, аз ин миқдор 1555 м.т бо тарзи пармакунии роторӣ ва 503 м.т бо усули зарбазании танобӣ иҷро гардид», — гуфт Сардори Саридораи геология.
АКС: АМИТ «Ховар»
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Дар Донишгоҳи давлатии Хуҷанд вобаста ба татбиқи он ҷаласа доир шуд
Ҳайати Тоҷикистон дар ҳамоиш вобаста ба масъалаҳои аккредитатсияи байналмилалии марказҳои минтақавӣ иштирок намуд
Ташаббусҳои глобалии Президенти Тоҷикистон дар самти обу иқлим ва ҳифзи пиряхҳо дар Женева тарғиб мегардад
«АГРО ЛАБ». Дар вилояти Хатлон Маркази машваратӣ ва ташхисгоҳи кишоварзӣ ифтитоҳ ёфт
«Амонатбонк» ва Бонки аврупоии таҷдид ва рушд ҳамкории молиявиро густариш медиҳанд
Дар ҳошияи ифтитоҳи Соли байналмилалии ҳифзи пиряхҳо дар Женева ташаббусҳои ҷаҳонии Президенти Тоҷикистон тарғиб карда мешаванд
Дар Душанбе ба муносибати иди касбии кормандони мақомоти гумрук маҷлиси тантанавӣ доир гардид
ИМРӮЗ-РӮЗИ КОРМАНДОНИ МАҚОМОТИ ГУМРУК. Барномаи миёнамуҳлати рушди мақомоти гумруки Тоҷикистон ба маъмурикунонӣ ва рақамикунонии соҳа мусоидат намуд
Дар Вазорати рушди иқтисод ва савдо оид ба Паёми Президенти Тоҷикистон ба Маҷлиси Олӣ ҳамоиш доир шуд
Тоҷикистон ва Эрон дар заминаи беҳдошти чорво ва байторӣ Ёддошти тафоҳум ба имзо расониданд
Дар Женева таҷлили Соли байналмилалии ҳифзи пиряхҳо якҷоя бо Созмони ҷаҳонии обуҳавошиносӣ ва ЮНЕСКО оғоз гардид
ПАХТАКОРӢ. Чаро дар Тоҷикистон ҳамасола дар ин бахши муҳими соҳаи кишоварзӣ нишондиҳандаҳо паст мешаванд?
