Русия шумораи парвозҳо ба Тоҷикистонро афзоиш медиҳад

ДУШАНБЕ, 26.02.2022 /АМИТ «Ховар»/.  Русия аз 14-уми март шумори парвозҳои мунтазам ба 16 кишвари ҷаҳон, аз ҷумла Тоҷикистонро афзоиш медиҳад, навиштааст имрӯз агентии иттилоотии  Sputnik бо истинод ба  Ситоди федеролии ФР оид ба муқобила бо коронавирус.   

Тибқи гузориш, муовини  Сарвазири ФР Татяна Голикова аз номи Михаил Мишустин ҷаласаи ситоди фавриро  оид ба ҷилавгирӣ аз ворид ва паҳншавии сирояти нави коронавирус дар Русия баргузор кардааст.

«Тасмим гирифта шуд, ки аз 14 март шумораи парвозҳои мунтазам бо кишварҳои зерин ба таври мутақобила зиёд карда шавад», — гуфта мешавад дар изҳорот.

Ба феҳристи кишварҳое, ки теъдоди парвозҳо ба онҳо афзоиш хоҳад ёфт,  Озарбойҷон, Арманистон, Баҳрайн, Ветнам, Ироқ, Эрон, Қазоқистон, Қирғизистон, Молдив, Муғулистон, Арабистони Саудӣ, Тоҷикистон  ва Ӯзбекистон шомил шудаанд.

Ҳамчунин парвозҳо ба Ҳиндустон, Сербия ва Таиланд низ афзоиш ёфт.

Илова бар ин, аз 14 март ситоди оперативӣ парвозҳоро бо Чин ва Индонезия барқарор мекунад.

Пекин, Гуанчжоу ва Шанхай дар ҳар як самт ҳафтае як парвоз ва дар як ҳафта се парвоз ба Бали оғоз мекунанд.

                                                      АКС: depositphotos/ak12m@hotmail.com