Шаҳрвандони Тоҷикистон, ки расман дар Русия кор мекунанд, ҳуқуқи нафақа гирифтан доранд
ДУШАНБЕ, 07.02.2022 /АМИТ «Ховар»/. Шаҳрвандони Ҷумҳурии Тоҷикистон, ки дар қаламравии Федератсияи Русия расман ба фаъолият машғул мебошанд, бо шаҳрвандони ин кишвар баробар буда, ҳуқуқи нафақа гирифтан доранд. Дар ин бора имрӯз зимни нишасти матбуотӣ сардори Раёсати нафақаи Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Даврон Вализода иттилоъ дод.
Даврон Вализода иброз намуд, ки лоиҳаи Шартнома миёни Ҷумҳурии Тоҷикистон ва Федератсияи Русия оид ба ҳамкорӣ дар соҳаи таъмини нафақа бо ҷониби Федератсии Русия мувофиқа шуда, бо Фармони Президенти Ҷумҳурии Тоҷикистон аз 24 августи соли 2021 «Дар хусуси лоиҳаи Шартнома байни Ҷумҳурии Тоҷикистон ва Федератсияи Русия оид ба ҳамкорӣ дар соҳаи таъмини нафақа» ба тавсиб расидааст.
Ба гуфтаи мавсуф, аз сабаби он ки қаблан шаҳрвандони Тоҷикистон дар Русия кор карда, баргашта омада, нафақаро дар кишвари худ мегирифтанд, ин ҳолат ба шартномаи болозикр каме мухолифат дошт ва ин вазъ ҳоло ҳалли худро ёфтааст.
«Миёни давлатҳои ИДМ аз соли 1999 созишномае буд, ки бар асоси он ҳар шаҳрванде, ки дар кишвари аъзои иттиҳод фаъолият мекунад, нафақаи ҳамон давлатро мегирад»,- гуфт Д. Вализода.
Ӯ ҳамчунин зикр намуд, ки муҳоҷирони кории тоҷик ва дигар шаҳрвандони ҷумҳурӣ баъди расидан ба синни нафақа метавонанд на танҳо дар ватани худ, балки дар Федератсияи Русия нафақа гиранд. Инчунин ҳангоми ҳисоб кардани нафақа ҳам собиқаи корӣ дар Русия ва ҳам собиқаи корӣ дар Тоҷикистон ба инобат гирифта мешаванд.
Мавсуф зикр дошт, ки муҳоҷирон танҳо дар сурати расман дар Русия кор карданашон метавонанд ба имтиёзҳои иҷтимоӣ умед банданд.
АКС аз бойгонӣ
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
