Соли 2022 суръати рушди иқтисодии Тоҷикистон дар сатҳи на кам аз 8 фоиз таъмин хоҳад шуд
ДУШАНБЕ, 04.02.2022 /АМИТ «Ховар»/. Интизор меравад, ки дар соли 2022 суръати рушди иқтисодии кишвар дар сатҳи на кам аз 8 фоиз таъмин гардад.
Дар робита ба ин дар маҷлиси Ҳукумати Ҷумҳурии Тоҷикистон, ки 20 январи соли равон таҳти раёсати Раиси Ҳукумати Ҷумҳурии Тоҷикистон, Президенти мамлакат муҳтарам Эмомалӣ Раҳмон доир гардида буд, бо мақсади паст кардани таъсири манфии омилҳои берунӣ, ташаккули имконияту захираҳои молиявии ба рушд нигаронидашуда, таъмин намудани гуногунсамтии иқтисодиёт, густариши раванди рақамикунонӣ, татбиқи «иқтисоди сабз» Сарвазири Тоҷикистон, муовини аввал, муовини соҳавии Сарвазири мамлакат, Ёрдамчии Президенти мамлакат оид ба масъалаҳои иқтисодӣ, Вазорати рушди иқтисод ва савдо ва дигар вазорату идораҳои марбута вазифадор гардиданд, ки барои дар сатҳи на кам аз 8 фоиз таъмин намудани суръати рушди иқтисоди Тоҷикистон тамоми иқтидору имконоти мавҷударо самаранок истифода баранд.
Дар ин раванд барои иҷрои пурраи барномаҳои соҳавию минтақавӣ ва бартараф кардани камбудиҳои зимни амалигардонии онҳо ҷойдошта бояд тадбирҳои заррурию саривақтӣ андешида шаванд.
Инчунин фаъолияти бахши хусусӣ тавассути ҷалби сармояи мустақими дохиливу хориҷӣ ва воридоти технологияҳои муосир вусат бахшида шуда, барои дастрасии соҳибкорон ба қарзҳои имтиёзнок ва равона кардани сиёсати андозу буҷет ба ҳавасмангардонии соҳибкорӣ, бахусус соҳибкорони истеҳсолӣ бояд тадбирҳои зарурӣ андешида шаванд. Ҳамзамон бо назардошти пандемияи COVID-19 ва таъсири пайомадҳои он ба соҳаҳои иқтисодиёти кишвар ҳамкориро бо созмонҳои байналмилалии молиявӣ ва шарикони рушд бояд тақвият бахшанд.
Мавриди зикр аст, ки соли гузашта бо вуҷуди мураккаб ва душвор боқӣ мондани вазъи иқтисодиву молиявии ҷаҳон дар натиҷаи андешидани тадбирҳои саривақтии зиддибуҳронӣ вобаста ба пешгирии таъсири омилҳои манфӣ ба иқтисоди миллӣ, бахусус паҳншавии бемории сироятии COVID-19 рушди иқтисодии кишвар дар сатҳи 9,2 фоиз таъмин гардид.
АКС аз манбаъҳои боз
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
Ҷаласаи навбатии Комиссияи байниҳукуматии Ҷумҳурии Тоҷикистон ва Федератсияи Русия баргузор гардид
Густариши ҳамкории Тоҷикистон ва Узбекистон дар соҳаи инноватсия ва технологияҳои рақамӣ баррасӣ шуд
Ҳамоишҳои байналмилалӣ дар соҳаи алоқа ҷамъбаст гардиданд
Хуршед Мирзо: «Иқдоми муҳими Тоҷикистон дар соҳаи инноватсия ва технологияҳои рақамӣ бунёди IT HUB DUSHANBE аст»
