Тоҷикистон ва Корпоратсияи байналмилалии молиявӣ раванди татбиқи лоиҳаҳои муштаракро баррасӣ намуданд
ДУШАНБЕ, 16.02.2022 /АМИТ «Ховар»/. 15 феврал мулоқоти муовини Вазири корҳои хориҷии Ҷумҳурии Тоҷикистон Шараф Шерализода бо Мудири минтақавии Корпоратсияи байналмилалии молиявии гурӯҳи Бонки ҷаҳонӣ Кассандра Колберт баргузор гардид. Дар ин бора АМИТ «Ховар» бо истинод ба Вазорати корҳои хориҷии мамлакат хабар медиҳад.
Дар мулоқот ҷонибҳо доир ба фаъолияти Корпоратсия дар Тоҷикистон, раванди татбиқи лоиҳаҳои муштарак, густариши ҳамкории баъдӣ дар соҳаи сайёҳӣ, нассоҷӣ, ҷалби сармояи хориҷӣ ва дигар масъалаҳои мавриди таваҷҷуҳи тарафайн табодули афкор намуданд.
Тавре қаблан АМИТ «Ховар» хабар дода буд, 11 ноябри соли 2021 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон миёни Ҳукумати Ҷумҳурии Тоҷикистон ва Корпоратсияи байналмилалии молиявӣ Созишнома оид ба ҳамкорӣ ба имзо расид.
Ҳадафи созишнома — беҳтар намудани сатҳи хизматрасонӣ ба сармоягузорон, баланд бардоштани рақобатпазирии бахши хусусӣ дар соҳаҳои сайёҳӣ, нассоҷӣ ва дастрасӣ ба бозор, беҳтар намудани низоми санҷиши фаъолияти субъектҳои хоҷагидор ва иҷозатдиҳиву иҷозатномадиҳӣ, инчунин ҷорӣ намудани низоми электронии хизматрасониҳо барои соҳибкорон, хусусан махзани ягона оид ба санҷишҳо ва иҷозату иҷозатномаҳо мебошад.
Зимни татбиқи ин санад Корпоратсияи байналмилалии молиявӣ бо мақомоти соҳавӣ, аз ҷумла Кумитаи давлатии сармоягузорӣ ва идораи амволи давлатӣ, Вазорати саноат ва технологияҳои нав ва Кумитаи рушди сайёҳӣ дар соҳаҳои сайёҳӣ, саноати нассоҷӣ ва дастрасӣ ба бозор, беҳтар намудани низоми санҷиши фаъолияти субъектҳои хоҷагидор ва иҷозатдиҳиву иҷозатномадиҳӣ, инчунин ҷорӣ намудани низоми электронии хизматрасониҳо барои соҳибкорон мунтазам ҳамкорӣ менамояд.
АКС: ВКХ ҶТ
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
