Вазири тандурустӣ ва ҳифзи иҷтимоии аҳолӣ: Агар дар вуҷуди шахс подтан ҳам бошад, барои муҳофизат аз таъсири вирус эмгузаронӣ ҳатмист
ДУШАНБЕ, 11.02.1022 /АМИТ «Ховар»/. Агар дар шахс нишонаи ягон беморӣ, ба монанди шамолхӯрдагӣ бошад, табибон тавсия медиҳанд, ки аз ташхиси ПСР гузарад. Аммо аз ҷониби Вазорати тандурустӣ ПСР ҳамчун нақшаи пеш аз гирифтани ваксинатсия тавсия дода нашудааст. Баъзе шахсон мегӯянд, ки бемориро гузаронидем ва подтан дорем, ПСР месупорем, ки ин ҳам нодуруст аст. Ба ин нигоҳ накарда, агар дар вуҷуди шахс подтан ҳам бошад, барои муҳофизат аз таъсири вирус эмгузаронӣ ҳатмӣ мебошад. Ин матлабро 10 феврал зимни нишасти матбуотӣ Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иброз намуд.
«Ман ҳамчун табиб изҳор менамоям, ки дар ҳар давлате, ки аҳолиаш пурра аз ваксинатсия гузаштааст, гирифторӣ ба бемории коронавирус эҳтимолияти кам дорад. Тибқи таҳлилҳо, дар он кишварҳое, ки раванди ваксинагирӣ ихтиёрӣ буд ва баъзе сокинон саркашӣ намуданд, дар онҳо хуруҷи ин беморӣ зиёдтар ба қайд гирифта шудааст»,- гуфт мавсуф.
Мақсади асосии ваксинатсия- ин баланд бардоштани масунияти бадан мебошад, ки дар вақти такроран бемор шудан мариз онро ба шакли сабук мегузаронад ва нишонаҳои бемории «омикрон» низ сабук мегузаранд. Аммо баъзе шахсон бемориҳои ҳамрадиф доранд, ба монанди қанд, дил, фарбеҳӣ ба ғайра, ки коронавирус дар онҳо ба шакли сабук ё вазнин мегузарад. Мақсад аз ваксинатсия гузаронидани аҳолӣ- ин пеш аз ҳама, ҳифзи сиҳатии аҳолӣ ва ҳимояи сокинон аз бемории ковид мебошад.
Ба гуфти Ҷамолиддин Абдуллозода, «имрӯз дар Ҷумҳурии Тоҷикистон, хушбахтона, вояи якумро 85 фоиз, вояи дуюмро 72 фисади аҳолӣ ва вояи сеюмро зиёда аз 80 ҳазор нафар шаҳрвандон гирифтаанд. Дар пайи чунин тадбир мо бо боварӣ гуфта метавонем, ки дар оянда эҳтимоли сар задани беморӣ дар ҷумҳурии мо кам мебошад».
Дар ҷараён нишаст гуфта шуд, ки вақте шахс гирифтори бемории коронавирус мешавад, ба ӯ ягон доруворӣ лозим нест. Танҳо доруҳои зиддивирусӣ ва доруҳое, ки барои баланд бардоштани иммунитет дар ҷараёни беморӣ агар ягон ориза пайдо шавад, заруранд.
Гуфта шуд, ки аз 23 марти соли 2021 ба ваксинатсия фаро гирифтани аҳолии гурӯҳҳои мақсаднок оғоз гардида, то ҳол идома дорад.
То ба имрӯз ба ҷумҳурӣ тавассути механизми байналмилалии COVAX ва кумакҳои башарӣ 11 269 920 вояи ваксинаҳои «АстраЗенека», «КоронаВак», «Модерна», «Спутник V» ва «П файзер» ворид карда шуда, мавриди истифодаи самаранок қарор дода шудаанд.
АКС: АМИТ «Ховар»
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
