Зарфияти иқтисодии Тоҷикистон дар Намоишгоҳи байналмилалии шаҳри Маккаи Арабистони Саудӣ муаррифӣ шуд
ДУШАНБЕ, 28.02.2022 /АМИТ «Ховар»/. Дар шаҳри Маккаи Подшоҳии Арабистони Саудӣ 23-27 феврал бо ибтикори Палатаи савдо ва саноати ин шаҳр Намоишгоҳи байналмилалии тиҷоратию саноатӣ баргузор гардид, ки дар он дар гӯшаи Тоҷикистон тавассути наворҳои видеоӣ зарфияти тиҷоратию иқтисодӣ, иқтидорҳои гидроэнергетикӣ ва имконоти сармоягузории кишвар муаррифӣ шуданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
«Бо ташаббуси Сафорати Ҷумҳурии Тоҷикистон дар Арабистони Саудӣ дар ин намоишгоҳ гӯшаи Ҷумҳурии Тоҷикистон ташкил карда шуд, ки дар он намунаҳои гуногуни маҳсулоти ватанӣ, нигораҳои ҳунарҳои миллӣ, аксҳои инъикоскунандаи табиати зебои Тоҷикистон ва брошюраҳо дар бораи имконияти сайёҳии кишвар манзури зоирин гардиданд», — гуфта мешавад дар хабари ВКХ Тоҷикистон.
Маросими ифтитоҳи намоишгоҳ бо ҳузури Амири минтақаи Маккаи мукаррама, Вазири тиҷорати Арабистони Саудӣ, роҳбарон ва намояндагони ҳайати дипломатии муқими Арабистони Саудӣ ва доираҳои соҳибкорию саноатии кишвари иқомат сурат гирифт.
АКСҲО: ВКХ Тоҷикистон
Дар Намоишгоҳи байналмилалии EXPO-2025 гӯшаи Тоҷикистон ташкил гардид
Намояндаи доимии Тоҷикистон бо ёвари Дабири кулли СММ оид ба корҳои ҷавонон мулоқот намуд
Намояндаи Тоҷикистон дар ҷаласаи 71-уми Комиссияи иқтисодии СММ барои Аврупо иштирок намуд
Дар Москва фестивали дӯстии халқҳо «Кишвари ман» баргузор гардид
Дар шаҳри Алмато вохӯрии ҳаштуми вазирони корҳои хориҷии «Осиёи Марказӣ – Русия» баргузор шуд
Сафири Тоҷикистон бо ректори Донишгоҳи шоҳзода Султон Арабистони Саудӣ мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Чин» мавриди баррасӣ қарор гирифт
Дар Душанбе ҳамкории Тоҷикистон ва Амрико баррасӣ гардид
Сафири Тоҷикистон бо Президенти Кумитаи олимпии Кувайт мулоқот намуд
Дар Алмато таҳти раёсати Тоҷикистон Шурои вазирони корҳои хориҷии кишварҳои Иттиҳоди Давлатҳои Мустақил баргузор гардид
Сафири Тоҷикистон бо директори филиали Академияи хоҷагии халқ ва идоракунии давлатии Русия мулоқот намуд
Намояндаи Тоҷикистон дар ҷаласаи вазирони Барномаи махсуси СММ барои иқтисодиёти Осиёи Марказӣ иштирок намуд
