АФҒОНИСТОН БАДБАХТТАРИН КИШВАРИ ҶАҲОН ЭЪЛОН ГАРДИД. Дар ин бора дар Гузориши умумиҷаҳонии СММ оид ба хушбахтӣ зикр шудааст

Март 20, 2022 15:47

ДУШАНБЕ, 20.03.2022 /АМИТ «Ховар»/. Афғонистон бадбахттарин кишвари ҷаҳон аст. Тавре хабарнигори АМИТ «Ховар» иттилоъ  медиҳад, Гузориши  умумиҷаҳонӣ оид ба хушбахтӣ — World Happiness Report аз ин гувоҳӣ медиҳад. Гузориши мазкур аз ҷониби СММ бахшида ба Рӯзи байналмилалии хушбахтӣ, ки имрӯз, 20 март таҷлил мешавад, интишор  ёфт.

Дар гузориш Афғонистон дар байни 146 кишвар дар ҷои охирин қарор дорад. Лубнон аз рӯи бадбахтӣ дар ҷои дуввум, Ботсвана, Руанда ва Зимбабве дар панҷгонаи охир қарор гирифтанд.

Муҳаққиқон пас аз таҳлили маълумоти се соли охир кишварҳоро раддабандӣ карданд. Онҳо маълумоти бадастовардаашонро аз рӯи  маҷмӯи маҳсулоти дохилӣ ба ҳар сари аҳолӣ, амнияти иҷтимоӣ, давомнокии умр, озодии интихоби зиндагӣ, саховатмандии аҳолӣ ва дарки сатҳи фасоди берунӣ ва дохилиӣ гурӯхбандӣ вабаррасӣ карданд.

Пурсиш нишон дод, ки шумораи ками афғонхо ба оянда умеди калон дорад. Аксари онҳо гуфтаанд, ки ба оянда умумен ҳеҷ умеде надоранд. Ба гуфтаи таҳлилгар Насратуллоҳ Ҳакпала, солҳои зиёд фасоди густарда, афзоиши фақр, набуди ҷойҳои корӣ, боло рафтани шумораи одамон аз хатти фақр ва рушди ноустувор боиси нооромиҳо шудаанд. Аксари афғонҳо аз соли 2011, замоне, ки Толибон сарнагун шуданд ва эътилофи таҳти роҳбарии Амрико пирӯзиро эълон кард, умедҳои зиёд доштанд.

Гузориш ҳушдор медиҳад, ки шумори афғонҳо  ва сатҳи зиндагии  пас аз ба қудрат баргаштани Толибон метавонад боз ҳам коҳиш ёбад.

Финляндия бори панҷум паиҳам ҷои якумро гирифт. Ба панҷгонаи хушбахттарин кишварҳои ҷаҳон Исландия, Дания, Швейтсария ва Ҳолланд низ шомил шуданд,  ба даҳгона бошад Люксембург, Норвегия, Шветсия, Исроил ва Зеландияи Нав ворид гардиданд.

Тоҷикистон дар миёни 146 кишвари ҷаҳон дар зинаи 83-юм ҷой гирифт. Кишвари мо аз давлатҳое ба монанди Булғория (ҷойи 85-ум), Индонезия (87-ум), Озарбойчон (92-юм), Гурҷистон (105-ум), Эрон (110-ум), Туркия (112-ум), Покистон (121-ум), Миср (129-ум), Ҳиндустон (136-ум) пеш гузашт.

Ёдовар мешавем, ки Гузориш, ки бори нахуст соли 2012 аз ҷониби Шабакаи ҳалли масъалаҳои рушди устувори СММ нашр шудааст, сатҳи хушбахтӣ ва некуаҳволиро дар 156 кишвари ҷаҳон арзёбӣ мекунад. Ҳамасола пажӯҳишгарон дар робита ба Рӯзи байналмилалии хушбахтӣ гузориш нашр мекунанд. Ин рӯз аз ҷониби Маҷмаи Умумии СММ 28 июни соли 2012 таъсис дода шудааст.

 

АКС: Associated Press 

Март 20, 2022 15:47

Хабарҳои дигари ин бахш

Интихоботи президентӣ дар Чехия 13 ва 14 январи соли 2023 доир мегардад
Дар Узбекистон муҳлати ваколати Президентро аз 5 ба 7 сол тамдид мекунанд
Густаво Петро дар интихоботи президентии Колумбия пирӯз шуд
Дар Қасри сафед тасдиқ карданд, ки Ҷо Байден ният дорад номзадии худро маротибаи дуюм пешбарӣ намояд
Узбекистон тартиби вуруди шаҳрвандони хориҷиро осон менамояд
Президенти нави Амороти Муттаҳидаи Араб интихоб гардид
Президенти Амороти Муттаҳидаи Араб Халифа бин Зоид Оли Наҳён аз олам даргузашт
Дар Чин ҳавопаймо бо 122 мусофир оташ гирифт
Артиши Масъуд се ноҳияи Панҷшерро тасарруф намуда, толибонро асир гирифт
Дар Сербия пирӯзии Александр Вучичро дар интихоботи президентӣ расман эълон карданд
Эммануэл Макрон дар интихоботи Фаронса пас аз ҳисоби садфоизаи овозҳо пирӯз шуд
ДАР ФАРОНСА — БОЗ ХУРУҶИ ЗУКОМИ ПАРАНДА. АМИТ «Ховар» ёдовар мешавад, ки ин чӣ гуна вирус аст