Ҳайати Тоҷикистон дар чорабинии канории СҲШ ва Раёсати СММ оид ба маводи нашъаовар ва ҷинояткорӣ иштирок намуд
ДУШАНБЕ, 16.03.2022 /АМИТ «Ховар»/. Ҳайати Ҷумҳурии Тоҷикистон таҳти роҳбарии директори Агентии назорати маводи нашъаовар Ҳабибулло Воҳидзода 15 март дар чорабинии канории Созмони ҳамкории Шанхай (СҲШ) ва Раёсати СММ оид ба маводи нашъаовар ва ҷинояткорӣ таҳти унвони «Пурзӯр намудани ҳамкории зиддимухаддиротӣ дар доираи СҲШ, мусоидат намудан ба назорати фаромиллии маводи нашъовар» иштирок намуд. Дар ин бора АМИТ «Ховар» бо истинод ба Агентии назорати маводи нашъаовари назди Президенти Ҷумҳурии Тоҷикистон хабар медиҳад.
Чорабинии мазкур дар ҳошияи Иҷлосияи 65-уми Комиссияи Созмони Милали Муттаҳид (СММ) оид ба маводи нашъаовар, ки дар шаҳри Венаи Австрия ҷараён дорад, баргузор гардид.
Дар он ҳамчунин ҳайатҳои Ҳиндустон, Қазоқистон, Қирғизистон, Узбекистон, Чин, Покистон, Русия, инчунин Котиби генералии СҲШ Чжан Мин ва муовини Котиби генералии СММ, Директори иҷроияи Раёсати СММ оид ба маводи нашъаовар ва ҷинояткорӣ Ғода Волӣ иштирок намуданд.
Иштирокдорон дурнамои рушди ҳамкории байналмилалӣ дар соҳаи мубориза бо муомилоти ғайриқонунии маводи нашъаовар ва тадбирҳо оид ба таҳкими ҳамкории амалии зидди маводи нашъаовар байни кишварҳои узви ин ду созмони бонуфузи байналмилалӣ, инчунин мубодилаи афкор ва таҷрибаи пешқадами ҷонибҳо дар самти назорати маводи нашъаовар ва пешгирии нашъамандиро баррасӣ карданд.
Ҳамчунин дар ҳошияи Иҷлосия директори Агентӣ Ҳабибулло Воҳидзода бо роҳбари ҳайати Шоҳигарии Арабистони Саудӣ, муовини сардори Хадамоти назорати маводи нашъаовар Муҳаммад Алҳакабанӣ мулоқот анҷом дод.
Зимни мулоқот ҷонибҳо дурнамои рушди ҳамкории Тоҷикистон ва Арабистони Саудиро дар самти назорати маводи нашъаовар бо роҳи ба имзо расонидани Созишнома байни Ҳукумати Ҷумҳурии Тоҷикистон ва Ҳукумати Шоҳигарии Арабистони Саудӣ оид ба ҳамкорӣ дар мубориза бо қочоқ ва муомилоти ғайриқонунии воситаҳои нашъадор, моддаҳои психотропӣ ва прекурсорҳои кимиёвӣ мавриди баррасӣ қарор доданд.
Дар анҷоми мулоқот ҷонибҳо омодагии хешро барои тақвияти ҳамкории судманд иброз доштанд.
АКСҲО: Агентии назорати маводи нашъаовари назди Президенти ҶТ
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
