Дар Душанбе маросими кушодашавии Чемпионати Осиё оид ба велосипедронӣ баргузор гардид

Март 25, 2022 08:15

ДУШАНБЕ, 25.03.2022 /АМИТ «Ховар»/. 24 март дар майдони 800 солагии Москваи пойтахт, маросими кушодашавии чемпионати Осиё оид ба велосипедронӣ дар шоҳроҳ  бо мақсади амалигардонии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва дастуру роҳнамоиҳои Раиси шаҳри Душанбе, муҳтарам Рустами Эмомалӣ  баргузор гардид. Дар ин бора АМИТ «Ховар» бо истинод ба мақомоти иҷроияи ҳокимияти давлатии шаҳри Душанбе хабар медиҳад.

Дар маросими кушодашавӣ намояндаи  Дастгоҳи  иҷроияи Президенти Ҷумҳурии Тоҷикистон Панҷшанбезода Муҳиддин, муовини якуми раиси шаҳри Душанбе Табарзода Ҷамшед, муовини раиси шаҳри Душанбе Одилзода Дилбар,  раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ, намояндагон аз кишварҳои гуногун, иштирокчиёни Чемпионати Осиё оид ба велосипедронӣ ва намояндагони васоити оммаи дохилу хориҷ ширкат доштанд.

Дар оғоз меҳмонон ва иштирокдорони ин чемпионати бонуфузи байналмилалӣ дар Боғи Куруши Кабир аз  Фестивали бозиҳои миллии варзишӣ бо иштироки беш аз се ҳазор нафар варзишгарону дӯстдорони навъи бозиҳои миллии варзишӣ дидан намуданд.

Дар маросими ифтитоҳи Чемпионати Осиё оид ба велосипедронӣ муовини якуми раиси шаҳри Душанбе Табарзода Ҷамшед баромад намуда, ҳамаи меҳмонон ва иштирокдорони чорабиниро, ки аз 30 кишвари олам ташриф овардаанд, аз номи Раиси шаҳри Душанбе муҳтарам Рустами Эмомалӣ хайрамақдам гуфта, ба онҳо барору комёбӣ таманно намуд.

Раиси Федератсияи велосипедронии Осиё ҷаноби Осама ал Шафар зимни баромади хеш қайд намуд, ки «истиқболи гарму самимии мардуми бофарҳангу самимии тоҷик моро хеле хушҳол намуд ва Тоҷикистон барои гузаронидани чунин чорабинии сатҳи байналмиллалӣ хеле мусоиду муносиб аст. Мехостам пеш аз ҳама ба Президенти Тоҷикистон муҳтарам Эмомалӣ  Раҳмон ва Раиси Маҷлиси миллии маҷлиси олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ изҳори миннатдории бепоёни худро расонам.

Баъд аз суханронӣ дастаҳои мунтахаби иштирокчии чемпионат маросими гузаштро анҷом доданд, ки ҳар яки онҳоро сокинони бофарҳангу меҳмоннавози Душанбе бо як самимияти хоса истиқбол гирифтанд.

Дар фарҷом барои болидахотирии меҳмонони олиқадр барномаи консертӣ доир карда шуд.

Хотиррасон менамоем, ки Чемпионати Осиё оид ба велосипедронӣ аз 25 то 30 марти соли ҷорӣ дар шоҳроҳҳои кишвар баргузор хоҳад гашт.

АКСҲО: АМИТ «Ховар»

Март 25, 2022 08:15

Хабарҳои дигари ин бахш

Дар Душанбе даври дуюми Озмуни ҷумҳуриявии «Нонпазӣ ва маҳсулоти нонӣ, қаннодӣ, ҳалвопазӣ, шириниҳои миллӣ ва муосир» доир карда мешавад
Раиси шаҳри Душанбе Рустами Эмомалӣ бо Ҳокими шаҳри Остона Женис Касимбек мулоқот намуданд
Дар Душанбе шумораи умумии воситаҳои нақлиёти мусофирбар 20 фоиз зиёд карда мешавад
Рустами Эмомалӣ: «80 фоизи таълимгирандагони таълимоти ғайриқонунии диниро ҷавонони то 30-сола ташкил медиҳанд»
Рустами Эмомалӣ: «Корҳо дар самти пешгирӣ ва коҳиш додани сатҳи амалҳои коррупсионӣ бояд тақвият дода шаванд»
Имрӯз таҳти роҳбарии Раиси шаҳри Душанбе Рустами Эмомалӣ ҷаласаи назоратӣ бо кормандони мақомоти ҳифзи ҳуқуқи пойтахт баргузор гардид
Раиси шаҳри Душанбе Рустами Эмомалӣ муассисаи таҳсилоти томактабии «Афрӯза»-ро мавриди истифода қарор доданд
Ғолибони даври шаҳрии озмунҳои «Беҳтарин ҳамсар» ва «Фарзанд – боғи падару модар» ба даври ҷумҳуриявӣ роҳ ёфтанд
Мақомоти шаҳри Душанбе шартномаи хариди 30 электробусро ба имзо расонид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид
Ҳамкории Душанбе бо Фландрияи Шоҳигарии Белгия тақвияти бештар меёбад
Дар шаҳраку маҳаллаҳои ноҳияҳои Душанбе озмунҳои «Беҳтарин ҳамсар» ва «Фарзанд – боғи падару модар» гузаронида шуданд