Дар ноҳияи Ёвон қарзи истифодаи барқ кай баргардонида мешавад?
ЁВОН, 03.03.2022 /АМИТ «Ховар»/. Дар ноҳияи Ёвон то якуми феврали соли 2022 қарздорӣ аз барқ ба 61 миллиону 752 ҳазору 009 сомонӣ расида, танҳо дар як моҳи соли 2022 он як миллиону 149 ҳазору 146 сомонӣ зиёд гардидааст. Дар ин бора муҳосиби пешбари шуъбаи фурӯши барқи ноҳияи Ёвон Ҳикмат Валиев ба хабарнигори АМИТ «Ховар» Субҳониддини Маҳмуд иттилоъ дод.
Тибқи иттилои манбаъ, калонтарин карздорон аз ҳисоби истифодаи қувваи барқ Идораи давлатии беҳдошти замин ва обёрии ноҳияи Ёвон ба маблағи 20 миллиону 270 ҳазору 766 сомонӣ, ҶСК «Тоҷикхимпром»- 34 миллиону 445 ҳазору 035 сомонӣ, ҶДММ «Хима-Текстил»- як миллиону 87 ҳазору 585 сомонӣ ва муштариёни маишӣ- 4 миллиону 109 ҳазору 853 сомонӣ мебошанд, ки қисми зиёди ин қарзҳо аз солҳои қаблӣ боқӣ мондаанд.
Масъулини шуъбаи муҳосибии Идораи давлатии беҳдошти замин ва обёрии ноҳияи Ёвон гуфтанд, ки «соли 2021 барои бо оби полезӣ таъмин намудани заминҳои кишт ба маблағи 5 миллиону 879 ҳазору 669 сомонӣ қувваи барқ истифода шудааст. Барои обёрӣ намудани қисми зиёди заминҳои корам, аз пойгоҳи обкашии якум то пойгоҳи обкашии 6-ум шаш адад пойгоҳи обкашӣ истифода мегардад, ки дар ин пойгоҳҳо қариб 13 адад насосҳои обкаши калонҳаҷм истифода мешаванд.
Мисол, корхонаи мо барои бо оби полезӣ таъмин намудани як гектар замин дар як моҳ аз 350 то 500 сомонӣ хароҷот менамояд, вале нархи давлатии ҳаққи хизматрасонии оби полезӣ барои як гектар 200 сомонӣ муайян гардидааст. Аз ин рӯ маблағи сарфгардидаро пурра ҷамъоварӣ карда намешавад».
Инчунин гуфта шуд, ки то имрӯз ассотсиатсияҳои истифодабарандагони об ва баъзе хоҷагиҳо аз Идораи давлатии беҳдошти замин ва обёрии ноҳияи Ёвон 11 миллиону 472 ҳазор сомонӣ қарздоранд. Дар сурати баргардонидани ин маблағҳо қарзи истифодаи қувваи барқ низ кам мегардад.
Ёдовар мешавем, ки дар ҳамаи шаҳру ноҳияҳои мамлакат бо мақсади пешгирӣ аз ҳолатҳои истифодаи беҳудаи неруи барқ ва сари вақт пардохт намудани маблағи истифодаи он гурӯҳҳои кории таблиғотӣ ташкил гардида буданд. Аз ин рӯ Мақомоти иҷроияи ҳокимияти давлатии ноҳияи Ёвонро зарур аст, ки дар якҷоягӣ бо мақомоти ҳифзи ҳуқуқи ноҳия гурӯҳҳои корӣ ташкил намуда, оид ба оқилонаву сарфакорона ва мақсаднок истифода бурдани неруи барқ корҳои фаҳмондадиҳӣ гузаронанд. Ҳамзамон дар якҷоягӣ бо кормандони Шабакаҳои барқи ноҳия қарзи истифодаи қувваи барқро ҷамъоварӣ намоянд.
АКС: манбаъҳои боз
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
