Гурезаҳои афғон дар муассисаҳои Тоҷикистон ба таҳсил ва касбомӯзӣ фаро гирифта шуданд
ДУШАНБЕ, 02.03.2022 /АМИТ «Ховар»/. Гурезаҳои афғон бо мақсади соҳибкасб шудан дар муассисаҳои таҳсилоти ибтидоии касбӣ ва Маркази таълими калонсолони Тоҷикистон ба таҳсил ва касбомӯзӣ фаро гирифта шуданд. Ин матлабро Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода 1 март зимни вохӯрӣ бо масъули Бахши муҳоҷират, ҷойивазкунӣ, ҳолатҳои фавқулода ва маорифи СММ (ЮНЕСКО) Хода Ҷаберян ва намояндаи Бюрои минтақавии СММ оид ба масъалаҳои илм, маориф ва фарҳанг (ЮНЕСКО) Мергул Алписбаева баён дошт, иттилоъ доданд ба АМИТ «Ховар» дар маркази матбуоти Вазорати меҳнат, муҳоҷират ва шуғли аҳолии мамлакат.
Намояндаи ЮНЕСКО Хода Ҷаберян аз корҳои анҷомдодаи Вазорати меҳнат, муҳоҷират ва шуғли ахолии мамлакат дар самти фарогирии шаҳрвандони Афғонистон изҳори қаноатмандӣ намуда, зикр кард, ки дар ҳолатҳои зарурӣ Дафтари ЮНЕСКО омода аст кумаки техникӣ расонад.
Ширин Амонзода барои ҳамкории муштараки ЮНЕСКО бо Вазорати меҳнат, муҳоҷират ва шуғли аҳолӣ, бахусус дар самти таҳсилоти ибтидои касбӣ ва таълими калонсолон изҳори минатдорӣ намуд. Зимни вохӯрӣ оид ба дигар масъалаҳо вобаста ба саҳми ЮНЕСКО барои қонеъ намудани ниёзҳои таҳсил ва омӯзиши гурезаҳои афғон дар Тоҷикистон табодули афкор сурат гирифт.
Дар фарҷом масъалаҳо марбут ба ҳамкории минбаъда дар самти таҳсилоти касбӣ-техникӣ ва тайёр кардани кадрҳо, ки ба амалисозии барномаҳои давлатӣ, стратегия ва консепсияҳои мамлакат ҷиҳати рушди таҳсилоти босифат равона шудаанд, баррасӣ гардиданд.
АКС: Вазорати меҳнат, муҳоҷират ва шуғли аҳолии ҶТ
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
ОГОҲӢ! Аз 25 то 27 июл дар баъзе минтақаҳои Тоҷикистон сар задани сел пешгӯӣ мешавад
Кумаки Президенти Тоҷикистон ба сокинони аз офати табиӣ зарардидаи ноҳияи Рӯшон расид
Ҷаласаи Комиссияи сетарафаи танзими муносибатҳои иҷтимоию меҳнатӣ дар Ҷумҳурии Тоҷикистон баргузор шуд
Дар мақомоти Ваколатдор оид ба ҳуқуқи инсон доир ба қабули Қонуни Ҷумҳурии Тоҷикистон «Дар бораи авф» ҳамоиш баргузор шуд
Сокинони деҳаҳои аз офати табиӣ зарардидаи ноҳияи Рӯшон бо неруи барқ таъмин карда шуданд 
Беш аз 1500 нафар аз шаҳри Душанбе дар асоси иҷрои Қонуни Тоҷикистон «Дар бораи авф» ба озодӣ баромаданд
Дар ноҳияи Шаҳринав ҷаласаи навбатии Шурои ҷамъиятии Ҷумҳурии Тоҷикистон баргузор гардид
