Ҳилолбӣ Қурбонзода: «Масъалаҳои баробарии гендерӣ ба санадҳои стратегии Тоҷикистон ворид карда шудаанд»

Март 18, 2022 13:40

ДУШАНБЕ, 18.03.2022 /АМИТ «Ховар»/. «Ҳукумати Ҷумҳурии Тоҷикистон таҳти сарварии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар такмили заминаҳои ҳуқуқӣ барои ноил шудан ба баробарии гендерӣ ба дастовардҳои назаррас ноил гардид.  Масъалаҳои баробарии гендерӣ дар ҳуҷҷатҳои стратегии кишвар ҷой дода шудаанд. Ҷараёни нави қонунгузорӣ бо дарназардошти равиши гендерӣ қабул карда мешавад”. Чунин изҳори назар намуд Раиси Кумитаи кор бо занон ва оилаи назди Ҳукумати Ҷумҳурии Тоҷикистон  Ҳилолбӣ Қурбонзода зимни паёми видеоӣ дар ҷаласаи 66-уми Комиссия оид ба мақоми занон, ки дар қароргоҳи СММ ба кор шурӯъ намуд.

Имсол форум дар мавзӯи афзалиятнок «Ба даст овардани баробарии гендерӣ ва тавонмандсозии ҳамаи занону духтарон дар заминаи тағйирёбии иқлим, стратегияҳо ва барномаҳои коҳиш додани хатари экологӣ ва офатҳои табиӣ» баргузор мешавад.

Раиси Кумитаи кор бо занон ва оилаи назди Ҳукумати ҷумҳурӣ  Ҳилолбӣ Қурбонзода зимни суханронӣ ҳозиринро бо сиёсате, ки дар ҷумҳурии мо ҷиҳати баланд бардоштани мавқеи  зан дар ҷомеа, таъмини баробарии гендерӣ, инчунин фаъолнокии онҳо дар рушди   иқтисодиёти мамлакат амалӣ мегардад, шинос намуд.

Ба гуфтаи Ҳилолбӣ Қурбонзода, иқтисод ва рушди инсон дар Тоҷикистон ба сармояи табиии он алоқамандии зич дорад. Соҳаҳои асосии иқтисодиёти кишвар, аз қабили кишоварзӣ, энергетика, идоракунии захираҳои об, саноат, аз ҷумла истихроҷи маъдан аз муҳити зист хеле вобастаанд.

Гузаронидани таҳлили миллии гендерӣ барои огоҳонидани минбаъдаи равандҳои нақшаи миллии мутобиқсозӣ ба тағйирёбии иқлим ва дар ин замина коҳиш додани хатари офатҳои табиӣ муҳим аст.

Ва инчунин бо назардошти гуфтаҳои боло ҷалби бештари духтарон ба донишгоҳҳои махсуси техникӣ ва додани қарзҳои дарозмуддати имтиёзнок ба занони соҳибкор, махсусан дар деҳот  зарур аст.

16 март бо мақсади таъмини дастгирии давлатии фаъолияти субъектҳои соҳибкорӣ, фароҳам овардани фазои мусоид барои ҷалби сармоя, таъсиси ҷойҳои корӣ ва коҳиш додани санҷишҳо Фармони Президенти Ҷумҳурии Тоҷикистон дар бораи эълони мораторий ба ҳамаи намудҳои санҷишҳои соҳибкорӣ то 1 январи соли 2023 ба имзо расид.

Ёдовар мешавем, ки 14 март  дар қароргоҳи СММ иҷлосияи 66-уми Комиссия оид ба мақоми занон  таҳти унвони «Ноилшавӣ ба баробарии гендерӣ ва тавонмандсозии тамоми занону духтарон дар заминаи тағйирёбии иқлим, иқдомот ва барномаҳои коҳиши хавфи офатҳо ва муҳити зист” оғоз ёфт, ки то 25  марти соли равон ҷараён мегирад.

Дар кори иҷлосия Дабири кулли СММ Антониу Гутерриш, раиси иҷлосияи 76-уми Маҷмаи Умумии СММ Абдулло Шаҳид, роҳбарияти Созмони Занони СММ, Директори иҷроияи Барномаи муҳити зист (ЮНЕП), ҳайатҳои кишварҳои узв, коршиносони созмонҳои байналмилалӣ ва ташкилоти минтақавӣ, намояндагони сохторҳои ҳуқуқи башар, ҷомеаи шаҳрвандии кишварҳои хориҷӣ ширкат доранд.

 АКСҲО: Кумитаи кор бо занон ва оилаи ҲҶТ

 

Март 18, 2022 13:40

Хабарҳои дигари ин бахш

Муовини якуми Раиси ҲХДТ Маликшо Неъматзода бо муовини Дабири кулли ИДМ Нурлан Сейтимов мулоқот намуд
НИШАСТИ МАТБУОТӢ. Дар Тоҷикистон беш аз 4 ҳазор зан ҳамчун хизматчии давлатӣ фаъолият мекунад
МАЪРИФАТИ ҲУҚУҚӢ – КАФИЛИ РУШДИ ҶОМЕА. Андешаҳо дар мавриди Соли маърифати ҳуқуқӣ
НИШАСТИ МАТБУОТӢ. Шумораи маъюбон дар Тоҷикистон давоми чор соли охир дар як сатҳ қарор дорад
Агентии обуҳавошиносӣ: «Аз 8 то 11 феврал дар Тоҷикистон бориши барфу борон дар назар аст»
«МОДАР! ТУ БИҲИШТИ ҶОВИДОНӢ!». Таҳти ин унвон дар Суғд бахшида ба Рӯзи Модар чорабиниҳои гуногун баргузор мешаванд
Дар Душанбе оид ба татбиқи Стратегияи ҳифзи солимии аҳолии Ҷумҳурии Тоҷикистон саммити чорум доир шуд
НИШАСТИ МАТБУОТӢ. Аз ҷониби Хадамоти иҷро зиёда аз 44 ҳазор мавод ва арзу муроҷиати шахсони воқеию ҳуқуқӣ баррасӣ гардид
НИШАСТИ МАТБУОТӢ. Соли 2024 109 хонаи аз офатҳои табиӣ зарардида барқарор гардид
НИШАСТИ МАТБУОТӢ. Соли 2024 барои нафақагирон маблағгузорӣ 48 фоиз зиёд гардид
НИШАСТИ МАТБУОТӢ. Маркази тадқиқоти стратегии Тоҷикистон бо 26 маркази тадқиқотӣ созишномаи ҳамкорӣ дорад
«ЗАНОН-ДАР МЕҲВАРИ ПАЁМ». Дар вилояти Хатлон беш аз 19 ҳазор занон роҳбари хоҷагиҳои деҳқонӣ мебошанд