Кумитаҳои олимпии Тоҷикистон ва Индонезия ҳамкориро рушд медиҳанд
ДУШАНБЕ, 28.03.2022 /АМИТ «Ховар»/. Президенти Кумитаи олимпии Индонезия, ноиби Президенти Конфедератсияи велосипедронии Осиё Раҷа Сапта Октоҳарӣ, ки барои иштирок дар Чемпионати Осиё оид ба велосипедронӣ дар шоҳроҳ ба Тоҷикистон омадааст, 26 март ба Кумитаи миллии олимпии Тоҷикистон ташриф овард. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Зимни мулоқоти ноиби Президенти Кумитаи миллии олимпии Тоҷикистон Дилшод Назаров бо Президенти Кумитаи олимпии Индонезия Раҷа Сапта Октоҳарӣ масъалаҳои рушди ҳамкории тарафайн баррасӣ шуданд.
Раҷа Сапта Октоҳарӣ аз он ки Тоҷикистон Чемпионати Осиё оид ба велосипедронӣ дар шоҳроҳро мизбонӣ мекунад, изҳори хушҳолӣ намуда, ба Президенти Кумитаи миллии олимпии Тоҷикистон муҳтарам Эмомалӣ Раҳмон миннатдорӣ баён кард.
Дилшод Назаров зимни суҳбат гуфт, ки Ҳукумати ҷумҳурӣ, хусусан Президенти Ҷумҳурии Тоҷикистон, Президенти Кумитаи миллии олимпии Тоҷикистон муҳтарам Эмомалӣ Раҳмон ба соҳаи варзиш таваҷҷуҳи махсус доранд ва чанд соли охир иншооти варзишии сатҳи байналмилалӣ ба истифода дода шуданд. Ин имкон дод, ки Тоҷикистон бори аввал Чемпионати Осиё оид ба велосипедронӣ дар шоҳроҳро мизбонӣ кунад.
Ҷонибҳо барои дар фурсати наздиктарин ба имзо расонидани Ёддошти тафоҳум ба мувофиқа расиданд.
Президенти Кумитаи олимпии Индонезия Раҷа Сапта Октоҳарӣ ва ҳамроҳонаш Осорхонаи “Шарафи олимпӣ”-и КМО Тоҷикистонро тамошо карда, бо дастовардҳои варзишгарони тоҷик шинос шуданд.
АКС: КМО Тоҷикистон
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
