Пешвои миллат Эмомалӣ Раҳмон барои бунёди тутзор дар Хоҷагии деҳқонии «Хурсандӣ-2»-и ноҳияи Кӯшониён дарахт шинонданд

Март 20, 2022 11:33

ДУШАНБЕ, 20.03.2022 /АМИТ «Ховар»/. 20 март дар ноҳияи Кӯшониён Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Хоҷагии деҳқонии “Хурсандӣ-2” боздид ба амал оварда, барои бунёди тутзор дарахт шинонданд.

Боғи тут бо мақсади дар амал татбиқ кардани дастур ва ҳидоятҳои Пешвои миллат муҳтарам Эмомалӣ Раҳмон дар самти дастгирӣ намудани соҳаи кирмакпарварӣ таъсис ёфта, бо ин мақсад дар масоҳати 2,5 га замин бо технологияи наву муосир 3700 адад ниҳоли тут шинонида шуд. Дар боғи мазкур асосан навъи тути “Марҳамат” шинонида шуд.

Хоҷагии деҳқонии “Хурсандӣ-2” дар маҷмӯъ дорои 5 га қитъаи замин мебошад.

Дар боқимонда қитъаи замини хоҷагии мазкур гандум кишт гардида, ҳамзамон барои кишти пахта омода карда шудааст.

Ниҳолҳои тут аз ҳисоби барномаи рушди соҳаи кирмакпарварӣ таъмин гардид.

Қаблан дар мавзеи мазкур ҳамасола бо мақсади таъмини амнияти озуқавории мамлакат кишти сабзавот ва пахта ба роҳ монда шуда, хоҷагидорон аз ҳамин ҳисоб то 50 ҳазор сомонӣ даромади соф ба даст меоварданд. Ҳосилнокӣ аз ҳар як гектар қитъаи замин бошад, аз 40 то 50 сентнериро ташкил менамуд.

Бунёди боғҳои наву барқарор кардани боғҳои кӯҳна, ки аз талошҳову ташаббусҳои неки Сарвари давлат сарчашма мегирад, ба хотири таъсиси ҷойҳои корӣ, афзоиши содироти маҳсулот, таъмини корхонаҳои саноатии коркарди маҳсулоти кишоварзӣ, боло бурдани иқтидори истеҳсолии кишвар, истифодаи самараноки заминҳо, гирифтани ду се ҳосил аз як замин дар як сол, ба гардиши кишоварзӣ даровардани заминҳои бекорхобида ва ҳамчунин ҷиҳати татбиқи барномаҳои давлатии рушди соҳаи боғу токпарварӣ ва кирмакпарварӣ дар мамлакат, амалӣ карда мешавад.

Бунёди тутзор дар Хоҷагии деҳқонии “Хурсандӣ-2”-и ноҳияи Кӯшониён 20.03.2022

Март 20, 2022 11:33

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар шаҳри Бӯстон тарабхонаи “Кайҳон”-ро  ифтитоҳ намуданд
Сарвари давлат Эмомалӣ Раҳмон меҳмонхонаи панҷошёнаи “Кайҳон”-и ҶСК  “Фурудгоҳи байналмилалии Хуҷанд”-ро ба истифода доданд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Мактаби санъати шаҳри Бӯстонро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Пешвои миллат Эмомалӣ Раҳмон бинои Факултети №4-и Академияи Вазорати корҳои дохилиро дар шаҳри Хуҷанд ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Сарвари давлат Эмомалӣ Раҳмон дар деҳаи Басманда хатти оби полезиро ифтитоҳ намуданд ва бо лоиҳаи заминҳои кишти картошкаи ноҳияҳои Деваштич, Кӯҳистони Мастчоҳ ва Шаҳристон шинос шуданд
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
Пешвои миллат Эмомалӣ Раҳмон дар ноҳияи Деваштич Коргоҳи пойафзол ва маводи шустушӯии «Раҳматулло»-ро ифтитоҳ намуданд