Ширкати ҳавопаймоии «Сибирь»-и Русия парвозҳояшро ба Тоҷикистон муваққатан қатъ менамояд
ДУШАНБЕ, 09.03.2022 /АМИТ «Ховар»/. Ширкати ҳавопаймоии Федератсияи Русия «Сибирь» эълон кард, ки дар қатори дигар давлатҳо парвозҳояшро ба Ҷумҳурии Тоҷикистон низ муваққатан қатъ менамояд, иттилоъ доданд ба АМИТ «Ховар» дар Агентии авиатсияи граждании назди Ҳукумати Ҷумҳурии Тоҷикистон.
Ширкати ҳавопаймоии «Сибирь» эълон кард, ки ба тамоми мусофироне, ки аз ин ширкат чипта харидорӣ намудаанд, маблағи чиптаро пурра бармегардонад.
Дар айни замон вобаста ба амалишавии парвозҳои мунтазам байни Тоҷикистон ва Русия аз ҷониби мақомоти авиатсияи граждании кишвар ягон маҳдудият ва монеа татбиқ нашудааст.
Бояд гуфт, ки дар хатсайрҳои ҳавоии ҷонибҳо панҷ ширкати ҳавопаймоӣ – «Сомон Эйр»-и Тоҷикистон, «ЮтЭйр», «Сибирь», «Уральские авиалинии» ва «Северный Ветер»-и Русия парвозҳои мунтазами байналмилалиро амалӣ менамуданд.
Дар аввали моҳи марти соли равон нисбатан кам гардидани парвозҳои мунтазами байналмилалӣ миёни Тоҷикистон ва Русия ба мушоҳида мерасад. Сабаби он байни ҷонибҳо ба қабули қарори муваққатан манъ кардани парвозҳои ширкати ҳавопаймоии Русия — «Сибирь» рабт дорад.
Инчунин ширкати дигари Русия – «Северный Ветер» қарор қабул кард, ки парвозҳои мунтазамро ба Тоҷикистон маҳдуд намуда, як қисми парвозҳояшро муваққатан қатъ намояд. Новобаста ба ин, Агентии авиатсияи гражданӣ ҷиҳати васеъ намудани ҷуғрофияи хатсайрҳо ва афзоиш додани парвозҳо чораҷӯӣ намуда, дар ин самт бо маъмуриятҳои авиатсионии кишварҳои хориҷи дуру наздик ва ширкатҳои ҳавопаймоӣ ҳамкорию корбарӣ намуда, барои ташкили хатсайрҳои зарурӣ тадбирҳои дахлдор меандешад.
АКС: © Sputnik / Александр Кряжев
Форуми байналмилалии «Занон ва об-2026» ба пешбурди масъалаҳои гендерӣ дар соҳаи об мусоидат намуд
Дар Душанбе Форуми байналмилалии «Занон ва об» оғоз гардид
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
