ҲУШДОРИ АГЕНТИИ ОБУҲАВОШИНОСӢ: Ҳавои номусоид ва бориш дар Тоҷикистон то охири ҳафта идома меёбад
ДУШАНБЕ, 09.03.2022 /АМИТ «Ховар»/. Агентии обуҳавошиносии мамлакат хабар медиҳад, ки ҳавои номусоид ва бориш дар ҷумҳурӣ то охири ҳафта идома меёбад. Дар робита ба бориши дарпешистода ва баланд шудани заминаҳои ҳарорат дар кӯҳҳо обшавии шадиди барф ба амал меояд, ки метавонад боиси эрозияи хок ва ҳаракати онҳо, баланд шудани сатҳи оби дарёҳо, обанборҳо, инчунин вайрон шудани хатти сохили дарёю кӯлҳо гардад. Дар натиҷаи бориши дарпешистода хатари фаромадани тарма, фаромадани сел ва сангрезиҳо боқӣ мемонад.
Дар робита ба ин, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз аҳолӣ даъват менамояд, ки аз сафар, рафтан ба минтақаҳои хатарнок, шикор, моҳидорӣ, ҷамъоварии гиёҳ дар ноҳияҳои кӯҳӣ, чаронидани чорво худдорӣ намуда, дар чунин рӯзҳо ҳушёр ва дучанд эҳтиёт бошанд.
Ёдовар мешавем, ки 6 март, тахминан соати 15:20 ба вақти маҳаллӣ дар натиҷаи бориши зиёд аз талу теппаҳои назди деҳаи Чашмаи Ҷамоати деҳоти ба номи Ҷӯра Раҳмонови шаҳри Турсунзода сел фаромад. Ду сокини ин деҳа, соли таваллудашон 2004, ҳангоми чаронидани чорво дар чарогоҳи доманакӯҳ бар асари омадани сел кӯшиши наҷот додани чорворо кардаанд, вале дар натиҷа сел боиси ҳалокати онҳо ва талаф ёфтани 10 сар чорвои майда гардидааст.
Тавре АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад, дар ҷараёни корҳои ҷустуҷӯӣ ҷасади фавтидагон дар масофаи 4 км дуртар аз ҷои ҳодиса пайдо шудааст.
-Ба ғайр аз ин бориши зиёд боиси болоравии сатҳи оби рӯдхонаи Қаратоғ ва канали Муллошодӣ шудааст, ки дар навбати худ ин хатари зери об мондани биноҳои истиқоматиро бештар намуд. Дар ҷои ҳодиса комиссияи фавқулодаи шаҳр кор мекунад ва барои бартарафсозии онҳо техникаи махсус ҷалб шудааст,-афзуд манбаъ.
Хотиррасон мешавем, ки дар сурати рух додани ҳолатҳои фавқулода ва ҳар гуна садама шаҳрвандон метавонанд ба навбатдори фаврии Кумита бо телефонҳои 93 880 28 19, 221-91-19, 223-13-11 муроҷиат намоянд.
АКС: Кумитаи ҳолатҳои фавқулода ва мудофиаи граждании назди Ҳукумати ҶТ/IRS
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
